Categories
Breaking news

چیئرمین HEC کی بحالی کی درخواست، وفاق سے جواب طلب

چیئرمین HEC کی بحالی کی درخواست، وفاق سے جواب طلب

اسلام آباد ہائی کورٹ نے ایچ ای سی ترمیمی آرڈیننس کے خلاف اور طارق بنوری کی بطور چیئرمین ایچ ای سی بحالی کی درخواست پر سماعت کرتے ہوئے جواب جمع کرانے کے لیے ڈپٹی اٹارنی جنرل کی استدعا منظور کر لی جبکہ وفاقی حکومت سے جواب طلب کرلیا۔

اسلام آباد ہائی کورٹ کے چیف جسٹس اطہر من اللّٰہ نے درخواست پر سماعت کی ۔

دورانِ سماعت اسلام آباد ہائی کورٹ نے کہا کہ حکومت آئندہ سماعت 29 جون تک چیئرمین ایچ ای سی کی مستقل تعیناتی نہ کرے۔

ایچ ای سی کی خودمختاری ختم کرکے وزارت تعلیم کے ماتحت کرنیکا فیصلہ

کراچی (نیوز ڈیسک) وفاقی حکومت نے ہائر ایجوکیشن…

ڈپٹی اٹارنی جنرل سید طیب شاہ نے عدالت سے استدعا کی کہ کل ہی نوٹس موصول ہوا ہے کچھ مہلت دے دیں جواب جمع کرا دیں گے، عدالتی نوٹس کے مطابق آئندہ سماعت پر اٹارنی جنرل پیش ہوں گے۔

عدالت نے جواب جمع کرانے کے لیے ڈپٹی اٹارنی جنرل کی استدعا منظور کر لی۔

عدالت نے ڈپٹی اٹارنی جنرل کو ہدایت کی کہ آئندہ سماعت سے قبل جواب جمع کرا کے ایک کاپی پٹیشنر کے وکیل کو دیں۔

چند ہی روز میں دوسرا ایچ ای سی ترمیمی آرڈیننس جاری،بعض شقیں تبدیل

اسلام آباد (نمائندہ جنگ)ہائیر ایجوکیشن کمیشن سے…

چیف جسٹس نے کہا کہ حکومت کو عارضی تعیناتی سے تو نہیں روکا جا سکتا تاکہ روز مرہ کے معاملات نہ رکیں، اس عدالت نے اسی لیے احتیاط سے یہ آرڈر جاری کیا، اہم ادارے کو غیر فعال نہیں کرنا چاہتے۔

چیف جسٹس اطہر من اللّٰہ نے یہ ریمارکس بھی دیئے کہ آرڈیننس جلدی نکل آتا ہے، پیرا وائز کمنٹس دیر سے دائر ہوتے ہیں۔

عدالتِ عالیہ نے وفاقی حکومت سے جواب طلب کرتے ہوئے سماعت 29 جون تک ملتوی کر دی۔

قومی خبریں سے مزید

Original Article

Leave a Reply

Your email address will not be published. Required fields are marked *