Categories
Breaking news

چوہدری سرور کے الزامات، ترجمان وزیراعلیٰ آفس نے مسترد کردیئے

چوہدری سرور کے الزامات، ترجمان وزیراعلیٰ آفس نے مسترد کردیئے

سابق گورنر پنجاب چوہدری محمد سرور کے عثمان بزدار پر لگائے گئے الزامات کو ترجمان وزیراعلیٰ آفس نے مسترد کردیا۔

ترجمان وزیراعلیٰ آفس کا کہنا ہے کہ چوہدری سرور کے عثمان بزدار پر الزامات میں صداقت نہیں، تقرر و تبادلوں میں ہمیشہ میرٹ کو مدنظر رکھا گیا۔

انہوں نے کہا کہ گورنر رہنے والے شخص کو ایسی باتیں زیب نہیں دیتیں، چوہدری سرور کے بےبنیاد الزامات کی سختی سے تردید کرتے ہیں۔

ترجمان کا یہ بھی کہنا ہے کہ چوہدری سرور اور عثمان بزدار کے درمیان ہمیشہ عزت و احترام کا رشتہ رہا۔

بزدار کو وزیراعلیٰ بنانا سب سے بڑی عالمی سازش تھی، چوہدری سرور

پنجاب کے برطرف گورنر چوہدری محمد سرور کا کہنا ہے کہ عثمان بزدار کو وزیراعلیٰ بنانا سب سے بڑی عالمی سازش تھی۔

خیال رہے کہ گزشتہ روزلاہور میں پریس کانفرنس کرتے ہوئے پنجاب کے برطرف گورنر چوہدری محمد سرور نے کہا تھا کہ عثمان بزدار کو وزیراعلیٰ بنانا سب سے بڑی عالمی سازش تھی، پاکستان،پنجاب اور پی ٹی آئی ورکر روتے رہے عثمان بزدار کو تبدیل کر دو۔

قومی خبریں سے مزید

Original Article

Leave a Reply

Your email address will not be published.