چوہدری برادران سے ہماری بہت سی باتیں زیر غور ہیں، رانا تنویر حسین

مسلم لیگ (ن) کے رہنما رانا تنویر حسین نے کہا ہے کہ چوہدری برادران سے ہماری بہت سی باتیں زیر غور ہیں۔

مریدکے میں کارکنوں سے خطاب میں رانا تنویر حسین نے کہا کہ مہنگائی مارچ کے بعد اسلام آباد پہنچنے سے پہلے تبدیلی کا نیا دور شروع ہوگا۔

انہوں نے کہا کہ دھرنے کا کوئی پروگرام نہیں، آئین، قانون سے ہٹ کر حرکت ہوئی تو دھرنا بھی دے سکتے ہیں۔

ن لیگی رہنما نے مزید کہاکہ پی ٹی آئی کے 30 تا 35 ارکان ڈیڑھ سال سے ہم سے رابطے میں ہیں، ہارا ہوا شخص ہم پر غیر ملکی فنڈنگ کے الزام لگارہا ہے۔

اُن کا کہنا تھا کہ چوہدری برادران اور ہماری بہت سی باتیں زیر غور ہیں، ایک دو دن میں فیصلہ ہوجائے گا، ایم کیو ایم بھی اس دوران فیصلہ کرلے گی۔

رانا تنویر حسین نے یہ بھی کہا کہ 2022ء الیکشن کا سال ہے، عنقریب قوم الیکشن دیکھے گی۔

قومی خبریں سے مزید

ق لیگ کے ساتھ جو گفتگو ہوئی وہ ان کی اور ہماری امانت ہے، شاہ محمود قریشی