مسلم لیگ نون کے رہنما احسن اقبال کہتے ہیں کہ چاہتے ہیں کہ الیکشن کمیشن کا پی ٹی آئی سے متعلق فارن فنڈنگ کیس کا فیصلہ جلد از جلد آ جائے۔

’جیو نیوز‘ کے مارننگ شو ’جیو پاکستان‘ میں گفتگو کرتے ہوئے نون لیگی رہنما احسن اقبال نے کہا کہ منتخب وزیرِاعظم کے خلاف 6 ماہ میں فیصلہ آگیا مگر پی ٹی آئی کے خلاف اتنے عرصے سے نہیں آ رہا۔

x
Advertisement

انہوں نے کہا کہ اپوزیشن کا الیکشن کمیشن کے پاس جانا علامتی ہے، پی ٹی آئی نے غیرقانونی ذرائع سے فنڈنگ لی اوران فنڈز کو ڈکلیئر نہیں کیا۔

احسن اقبال کا مزید کہنا ہے کہ مسلم لیگ نون کا کوئی خفیہ اکاؤنٹ نہیں ہے، نون لیگ نے ممنوعہ ذرائع سے کوئی فنڈنگ بھی نہیں لی ہے۔

یہ بھی پڑھیے

رہنما مسلم لیگ نون نے یہ بھی کہا کہ پی ٹی آئی کے خلاف کیس چل رہا ہے اور جب یہ گندی ہو رہی ہے تو اس نے نون لیگ کے خلاف درخواست دائر کر دی ہے۔

واضح رہے کہ اپوزیشن اتحاد پاکستان ڈیمو کریٹک موومنٹ (پی ڈی ایم) پی ٹی آئی کے خلاف فارن فنڈنگ کیس کے فیصلے میں تاخیر کے خلاف آج اسلام آباد میں الیکشن کمیشن کے دفتر کے سامنے احتجاج کر رہی ہے۔

قومی خبریں سے مزید