پی ڈی ایم کے جلسے کی تیاریاں زور و شور سے جاری

پاکستان ڈیموکریٹک موومنٹ (پی ڈی ایم) کی طرف سے 13دسمبر کو لاہور کے مینارِ پاکستان گراؤنڈ میں پاور شو کیا جانا ہے، جس کی تیاریاں عروج پر ہیں۔

مینارِ پاکستان کی سیڑھیوں میں اسٹیج تیار کیا جارہا ہے، سامنے گراؤنڈ میں کرسیاں لگائی جارہی ہیں، جلسے کیلئے جنریٹرز اور لائٹس بھی نصب کر دی گئی ہیں اور ساؤنڈ سسٹم بھی لگایا جارہا ہے۔

مینارِ پاکستان گراؤنڈ میں مختلف سیاسی جماعتوں کے کارکن بھی جھنڈے اٹھائے آ رہے ہیں، جو نعرے بازی کرکے ماحول کو گرما رہےہیں۔

یہ بھی پڑھیے

دوسری جانب حکومت نے پی ڈی ایم کو لاہور میں جلسہ کرنے اجازت تو نہیں دی، تاہم حکومت کی جانب سے جلسے کے شرکاء کو روکنے کیلئےکہیں کوئی سرگرمی بھی نظر نہیں آ رہی، نہ سڑکوں پر کہیں کنٹینر لگائے گئے ہیں، نہ ہی کوئی دوسری رکاوٹ ڈالی گئی ہے۔

حکومتی ترجمانوں کا کہنا ہے کہ ایس او پیز اور قانون کی خلاف ورزی کی گئی تو قانون حرکت میں آئے گا۔

قومی خبریں سے مزید