اپوزیشن اتحاد پاکستان ڈیموکریٹک موومنٹ (پی ڈی ایم) آج سندھ کے دوسرے بڑے شہر حیدر آباد میں سیاسی قوت کا مظاہرہ کرنے جا رہی ہے۔

پی ڈی ایم کے جلسے میں شرکت کے سلسلے میں پاکستان پیپلز پارٹی (پی پی پی) کے چیئرمین بلاول بھٹو زرداری حیدر آباد پہنچ گئے ہیں جبکہ سربراہ پاکستان ڈیموکریٹک موومنٹ (پی ڈی ایم) مولانا فضل الرحمٰن حیدرآباد کے لیے روانہ ہو چکے ہیں۔

چیئرمین بلاول بھٹو زرداری حیدر آباد میں جام خان کی رہائش گاہ پہنچ گئے۔

x
Advertisement

جام خان کی رہائش گاہ پر چیئرمین پی پی پی بلاول بھٹو زرداری نے پارٹی رہنماؤں سے ملاقات کی، جس کے دوران آج کے جلسے اور مختلف امور پر تبادلۂ خیال کیا۔

جلسے میں شرکت کے لیے پی ڈی ایم کے سربراہ مولانا فضل الرحمٰن کی سربراہی میں قافلہ سجاول سے حیدر آباد روانہ ہوا ہے۔

جلسے سے مولانا فضل الرحمٰن اور بلاول بھٹو زرداری سمیت دیگر قائدین بھی خطاب کریں گے۔

یہ بھی پڑھیے

پی ڈی ایم کے جلسے کا پنڈال حیدرآباد میں سج گیا ہے، جلسہ گاہ میں کارکنوں کی آمد جاری ہے۔

ڈھول کی تھاپ پر رقص بھی کیا جارہا ہے، جلسہ گاہ میں جگہ جگہ پارٹی پرچم لہرا رہے ہیں جبکہ قائدین کی تصاویر اور بینرز آویزاں کیئے گئے ہیں۔

حیدرآباد شہر میں پی ڈی ایم کے جلسے کے سلسلے میں مختلف مقامات پر استقبالیہ کیمپ قائم ہیں، شاہراہوں اور عمارتوں کو پارٹی پرچموں اور قائدین کی تصاویر سے سجا دیا گیا ہے۔

قومی خبریں سے مزید