Categories
Breaking news

پی ڈی ایم پاپا ڈیڈی مولانا بچاؤ مہم ہے، حلیم عادل شیخ

Advertisement
پی ڈی ایم پاپا ڈیڈی مولانا بچاؤ مہم ہے، حلیم عادل شیخ

پاکستان تحریک انصاف (پی ٹی آئی) کے رکن سندھ اسمبلی حلیم عادل شیخ کہتے ہیں کہ پاکستان ڈیموکریٹک موومنٹ (پی ڈی ایم) پاپا ڈیڈی مولانا بچاؤ مہم ہے۔

Advertisement

حلیم عادل شیخ نے سندھ اسمبلی میں میڈیا سے بات کرتے ہوئے کہا کہ آج حیدرآباد میں ایک ناکام جلسہ ہونے جارہا ہے، پی ڈی ایم کے غبارے سے ہوا نکل چکی ہے۔

اُنہوں نے کہا کہ سندھ کے سارے شہر کچرا کنڈی بن چکے ہیں جبکہ ناکام سیاستدانوں کا ٹولہ حیدرآباد میں سرکس لگانے جارہے ہیں۔

حیدر آباد جلسے کی میزبان پیپلز پارٹی ہے، شازیہ مری

مرکزی سیکرٹری اطلاعات پیپلزپارٹی پارلیمنٹیرینز شازیہ مری کا کہنا ہے کہ حیدر آباد میں پاکستان ڈیموکریٹک موومنٹ (پی ڈی ایم) جلسے کی میزبان پیپلز پارٹی ہے۔

حلیم عادل شیخ نے یہ بھی کہا کہ 2 اکتوبر کو نعرہ لگا آر یا پار مگر آر ہوا نہ پار، سیاسی جلسوں کیلیے گاڑیوں کا کرایہ ڈپٹی کمشنر دے رہے ہیں۔

x
Advertisement

اُنہوں نے سوال اُٹھایا کہ 7880 ارب روپے میں سندھ کے عوام اور ترقی کے لیے کیا کیا؟

پی ٹی آئی رہنما نے کہا کہ بلاول زرداری قلابازی کھانے سے کچھ نہیں ہوگا، وزیر اعلیٰ سندھ سید مراد علی شاہ کو بھی جواب دینا ہوگا۔

حلیم عادل شیخ نے یہ بھی کہا کہ شہر قائد کچرا کنڈی بنا ہوا ہے، سندھ میں ریاستی دہشت گردی ہو رہی ہے، اسپتالوں کا برا حال ہے۔

حیدر آباد میں PDM کا جلسہ، روٹ پلان جاری

حیدر آباد میں اپوزیشن اتحاد پاکستان ڈیموکریٹک موومنٹ (پی ڈی ایم) کے جلسے کے سلسلے میں ٹریفک پولیس نے روٹ پلان جاری کر دیا۔

اُن کا کہنا تھا کہ پی ڈی ایم کی ناکامی کی وجہ دوسروں پر الزامات لگانا ہے، پی ڈی ایم کے ساتھ عوام نہیں ہے۔

حلیم عادل شیخ نے مسلم لیگ نون کی نائب صدر کو آڑے ہاتھوں لیتے ہوئے کہا کہ مریم نواز کی بات کو کوئی سنجیدہ نہیں لیتا، لاہور مریم کے والد کا ہوم گراؤنڈ ہے لیکن وہاں بھی اُنہیں ناکامی ہوئی۔

اُن کا مزید کہنا تھا کہ مریم کے والد اور چچا نے ساری زندگی جھوٹ بولا ہے۔

واضح رہے کہ حیدرآباد میں اپوزیشن اتحاد پی ڈی ایم کے جلسے کی تیاریاں، مختلف مقامات پر استقبالیہ کیمپ قائم کردیے گئے۔

حیدرآباد: PDM کے جلسے کیلئے پنڈال سج گیا

اپوزیشن اتحاد پاکستان ڈیمو کریٹک موومنٹ (پی ڈی ایم) آج حیدر آباد میں سیاسی قوت کا مظاہرہ کر رہی ہے جس کے سلسلے میں تیاریاں مکمل کر لی گئیں۔

شاہراہوں، عمارتوں کو پارٹی جھنڈوں اور قائدین کی تصاویر سے سجادیا گیا۔

پیپلزپارٹی کی میزبانی میں آج ہونے والے جلسے سے بلاول بھٹو زرداری، مولانا فضل الرحمٰن اور دیگر قائدین خطاب کریں گے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *