Categories
Breaking news

پی ٹی آئی کا ٹکٹ اس وقت کی ٹاپ ڈیمانڈ ہے، فیصل جاوید

پی ٹی آئی کا ٹکٹ اس وقت کی ٹاپ ڈیمانڈ ہے، فیصل جاوید

پاکستان تحریک انصاف (پی ٹی آئی) کے سینیٹر فیصل جاوید کا کہنا ہے کہ پی ٹی آئی کا ٹکٹ اس وقت کی ٹاپ ڈیمانڈ ہے۔

پاکستان تحریک انصاف (پی ٹی آئی) کے رہنماؤں نے سپریم کورٹ کے باہر میڈیا سے گفتگو کی، اس موقع پر سینیٹر فیصل جاوید نے کہا کہ پاکستان ایک تاریخی لمحات سے گزر رہا ہے، حق و باطل کے بیچ فیصلہ کن گھڑی آ چکی ہے۔

انہوں نے کہا کہ عوام نے حق کا ساتھ دیا اور باطل کو رد کیا، عہد حاضر کے میر جعفر میر صادق کو رد کر دیا، بلاول کہتا تھا ہم آئینی تبدیلی لے کر آ رہے ہیں۔

فرخ حبیب کی سپریم کورٹ کے باہر میڈیا سے گفتگو

اس موقع پر پی ٹی آئی کے رہنما فرخ حبیب کا کہنا ہے کہ ہمارا کیس سادہ ہے، ہمیں کسی سے کوئی ذاتی عناد نہیں، ہم چاہتے ہیں پاکستان کی جمہوریت مضبوط ہو۔

انہوں نے کہا کہ یہاں پر چھانگا مانگا کی منڈیاں لگائی جاتی ہیں، ضمیروں کے سودا گروں کا راستہ ہمیشہ ہمیشہ کے لیے روکا جانا چاہیے۔

ان کا یہ بھی کہنا تھا کہ الیکشن کمیشن کے پاس بے شمار پاورز موجود ہیں کہ وہ کرپٹ پریکٹسز کو روک کر کارروائی کرے، پی ٹی آئی واحد جماعت ہے جس نے سینیٹ الیکشن اوپن بیلٹ سے کرانے کی کوشش کی۔

پی ٹی آئی رہنما کا کہنا تھا کہ ہمارے جمہوری نظام کو گندا کرنے والی کالی بھیڑیں موجود ہیں، سینیٹ کے الیکشن سے قبل کھلے عام ایک واردات پکڑی گئی تھی۔

فرخ حبیب نے کہا کہ الیکشن کمیشن نے ڈسکہ میں میڈیا کوریج دیکھتے ہوئے نوٹس لیا تھا۔

قومی خبریں سے مزید

Original Article

Leave a Reply

Your email address will not be published.