کراچی سمیت ملک کے مختلف شہروں میں پاکستان تحریک انصاف کی جانب سے صوبائی الیکشن کمیشن کے دفاتر کے باہر احتجاج کیا گیا، پی ٹی آئی کے اراکین صوبائی اور قومی اسمبلی بھی احتجاج میں موجود رہے۔
اسلام آباد میں احتجاج ،الیکشن کمیشن PTI کے منحرف ارکان کیخلاف جلد فیصلہ کرے
اسلام آباد میں ٹی آئی ارکان نے الیکشن کمیشن آف پاکستان کے باہر احتجاجی مظاہرہ کیا، ان کاکہنا تھا کہ ہم الیکشن کمیشن کے جانبدار رویہ کے خلاف احتجاج کر رہے ہیں۔
Table of Contents
پی ٹی آئی کا احتجاج، الیکشن کمیشن کے باہر پولیس کی بھاری نفری تعینات
پی ٹی آئی کے احتجاج کے پیش نظر الیکشن کمیشن اسلام آباد کے باہر پولیس کی بھاری نفری تعینات کر دی گئی ہے۔
مظاہرین نے کہا کہ الیکشن کمیشن پی ٹی آئی کے منحرف ارکان کے خلاف جلد فیصلہ کرے، الیکشن کمیشن ن لیگ اورپیپلزپارٹی غیر ملکی فنڈنگ کیس کیخلاف پی ٹی آئی درخواست پر بھی جلد فیصلہ کرے۔
پی ٹی آئی کا یہ احتجاجی مظاہرہ کچھ دیر جاری رہنے کے بعد ختم ہوگیا۔
کراچی میں الیکشن کمیشن کے باہر احتجاج، فردوس شمیم کا خطاب
کراچی میں صوبائی الیکشن کمیشن کے دفتر کے باہر پی ٹی آئی کے احتجاج کے سبب پولیس کی نفری موجود ہے، رہنما پی ٹی آئی فردوس شمیم نے مظاہرین سے خطاب کیا۔
فردوس شمیم کا کہنا تھا کہ ہم چیف الیکشن کمشنر راجا سلطان کے خلاف احتجاج کررہے ہیں، پاکستان میں 70 سال سے ہارس ٹرینڈنگ ہو رہی ہے، آج تک کسی کو سزا نہیں دی گئی۔
کراچی میں پی ٹی آئی کارکنوں نے الیکشن کمیشن سے سندھ ہائی کورٹ کی طرف مارچ کیا، اس موقع پر پولیس کی بھاری نفری سندھ ہائی کورٹ کے اطراف تعینات کردی گئی اور ہائی کورٹ کے دروازے پولیس نے بند کر دیئے۔
اس کے بعد مظاہرین دوبارہ الیکشن کمیشن کے دفتر پہنچ گئے۔
لاہور میں احتجاج، الیکشن کمیشن رویہ درست کرے ، میاں محمودالرشید
لاہور میں تحریک انصاف کے رہنماؤں اور کارکنوں نے الیکشن کمیشن آفس کے باہر مظاہرہ کیا جس سے خطاب کرتے ہوئے میاں محمودالرشید نے کہا کہ الیکشن کمیشن رویہ درست نہیں کرے گا تو روزانہ مظاہرہ کریں گے۔
اسلام آباد کے ریڈ زون میں دفعہ 144نافذ
ڈپٹی کمشنر اسلام آباد کی طرف سے ریڈ زون میں دفعہ 144 نافذ کر دی گئی ہے۔
میاں محمودالرشید کا کہنا تھا کہ ہم اس لئے احتجاج کر رہے ہیں کہ الیکشن کمیشن جانبدار ہے، متعصب ہے، لوٹوں کا ریفرنس بھیجے ایک ہفتہ گزر گیا، الیکشن کمیشن فیصلہ نہیں کر رہا۔
پی ٹی آئی رہنما کا کہنا تھا کہ الیکشن کمیشن آئندہ الیکشن کی تیاری کرے ۔
بھکر، فیصل آباد میں ضلعی الیکشن کمیشن دفاتر کے باہر احتجاج
بھکر اور فیصل آباد میں چیئرمین پی ٹی آئی عمران خان کی ہدایت پر کارکنان نے ضلعی الیکشن کمیشن دفاتر کے باہر احتجاج کیا۔
پر امن احتجاج ہمارا جمہوری حق ہے، فرخ حبیب
مرکزی رہنما تحریک انصاف فرخ حبیب کاکہنا ہے کہ پر امن احتجاج ہمارا جمہوری حق ہے، کنٹینرز لگا کر راستے بند کیے گئے لگتا ہے امپورٹڈ حکومت کی کانپیں ٹانگ رہی ہیں۔
فرخ حبیب نے کہا کہ گزشتہ سال اسی الیکشن کمیشن کے باہرپی ڈی ایم نےاحتجاج کیا تھا، ہم نے اس وقت ان کو اجازت اور سیکیورٹی سمیت تمام سہولتیں فراہم کی تھیں۔
پشاور میں الیکشن کمیشن آفس کے باہر احتجاج
پشاور میں بھی پی ٹی آئی کے کارکن الیکشن کمیشن کے دفتر کے باہر جمع ہونا شروع ہوئےجبکہ الیکشن کمیشن کے دفتر کے اندر اور باہر سیکیورٹی کے فول پروف انتظامات کیے گئے۔
قومی خبریں سے مزید
-
وزیرِ اعظم شہبازشریف کا یکم مئی سے لوڈ شیڈنگ مکمل ختم کرنے کا حکم
وزیرِ اعظم شہبازشریف نے یکم مئی سے ملک میں لوڈ شیدنگ مکمل ختم کرنے کا حکم دے دیا۔
-
مریم نواز کی پاسپورٹ واپسی کی درخواست،جسٹس فاروق کی سماعت سے معذرت
لاہور ہائی کورٹ میں مسلم لیگ ن کی رہنما مریم نواز کی عمرے کی ادائیگی کے لیے پاسپورٹ واپسی کی درخواست پر سماعت کے دوران 2 رکنی بینچ کے جسٹس فاروق حیدر نے سماعت سے معذرت کر لی۔
-
نارووال اسپورٹس سٹی منصوبے کے دوبارہ جائزے کا فیصلہ
وفاقی حکومت نے نارووال اسپورٹس سٹی منصوبے کا دوبارہ جائزہ لینے کا فیصلہ کیا ہے۔
-
عمران کو جتنے مواقع ملے کسی ڈکٹیٹر کو بھی نہیں ملے، احسن اقبال
مسلم لیگ ن کے رہنما احسن اقبال کا کہنا ہے کہ جتنے مواقع عمران خان کو ملے کسی ڈکٹیٹر کو بھی نہیں ملے، عمران نے پاکستان کی معیشت کو تباہ کر دیا،چین، امریکا اور یورپی یونین سے تعلقات متاثر کئے، خلیجی ممالک سے بھی تعلقات سرد مہری میں دھکیل دیئے۔
-
مئی ہنگامہ خیز ہوگا، استعفے لیے اور دیئے جاسکتے ہیں، شیخ رشید
سابق وزیرداخلہ شیخ رشید کا کہنا ہے کہ پاکستان میں عید کے بعد اگلا مہینہ مئی کا ہنگامہ خیز ہوگا،استعفے لیے بھی جاسکتے ہیں اور دیئے بھی جاسکتے ہیں، مسائل کا واحد حل الیکشن ہے۔
-
سینئر سیاست دان جاوید ہاشمی کو دل کی تکلیف
سینئر سیاست دان جاوید ہاشمی کو دل میں تکلیف ہونے پر ملتان میں اسپتال لے جایا گیا ہے۔
-
عمران فارن فنڈنگ کے سوالوں کے جواب دیں،وزیر اطلاعات
وزیر اطلاعات مریم اورنگزیب کا کہنا ہے کہ عمران خان الیکشن کمیشن میں فارن فنڈنگ کےسوالوں کے جواب دیں، الیکشن کمیشن سوال پوچھے تو 8 سال بھاگتے رہیں، الزام لگائے اور گھیراؤ کی دھمکیاں دیں۔
-
پب جی گیم کے ذریعے دعا زہرہ سے رابطہ ہوا: ظہیر احمد
کراچی سے لاپتہ ہونے والی دعا زہرہ کے شوہر ظہیر احمد کا کہنا ہے کہ میرا پب جی گیم کے ذریعے دعا زہرہ سے رابطہ ہوا۔
-
عمران نیازی نے الیکشن کمیشن کیخلاف منظم مہم شروع کی ہے، پی ڈی ایم
ترجمان پی ڈی ایم حافظ حمد اللّٰہ کا کہنا ہے کہ عمران نیازی نے چیف کمشنر الیکشن کمیشن کے خلاف منظم مہم شروع کر دی ہے۔
-
سندھ ہاؤس حملہ کیس، پی ٹی آئی کے 2 MNA گرفتار
اسلام آباد ہائی کورٹ نے سندھ ہاؤس حملہ کیس میں پی ٹی آئی کےارکان قومی اسمبلی کی ضمانت منسوخ کر دی۔
-
ہوسکتا ہے بیٹی کی ویڈیوز بنا کر اسے بلیک میل کیا ہو: والدہ دعا زہرہ
کراچی سے لاپتہ ہونے والی دعا زہرہ کی والدہ کا کہنا ہے کہ میری بیٹی ویڈیو میں خوف زدہ نظر آ رہی ہے، ہو سکتا ہے بیٹی کی ویڈیوز بنا کر اسے بلیک میل کیا گیا ہو۔
-
پی ٹی آئی کا احتجاج، الیکشن کمیشن کے باہر پولیس کی بھاری نفری تعینات
پی ٹی آئی کے احتجاج کے پیش نظر الیکشن کمیشن اسلام آباد کے باہر پولیس کی بھاری نفری تعینات کر دی گئی ہے۔
-
والد اور کزن نے مجھے اغواء کرنے کی کوشش کی: دعا زہرہ
کراچی سے لاپتہ ہونے والی دعا زہرہ نے اپنے والد کے خلاف مقدمہ کر دیا جس میں الزام لگایا ہے کہ والد اور کزن نے مجھے اغواء کرنے کی کوشش کی ہے۔
-
سابق ڈی جی FIA بشیر میمن بے قصور قرار
لاہور کی سیشن کورٹ نے وفاقی تحقیقاتی ادارے ( ایف آئی اے) کے سابق ڈی جی بشیر میمن کو بے قصور قرار دے دیا۔
-
اسلام آباد کے ریڈ زون میں دفعہ 144نافذ
ڈپٹی کمشنر اسلام آباد کی طرف سے ریڈ زون میں دفعہ 144 نافذ کر دی گئی ہے۔
-
جدہ ذاتی اخراجات پر آیا ہوں: حسین نواز شریف
حسین نواز شریف کا کہنا ہے کہ میں جدہ میں اپنے گھر پر پہلے ہی سے موجود ہوں، اپنے ذاتی اخراجات پر یہاں آیا ہوں۔