حکومتی جماعت پاکستان تحریک انصاف (پی ٹی آئی) کے سوشل میڈیا پر موجود سرکردہ لوگ آپس میں لڑ پڑے۔

ایک دوسرے پر الزامات کی بوچھاڑ میں فیک سوشل میڈیا اکاؤنٹس کا الزام بھی لگایا گیا، مختلف لوگوں اور عورت مارچ کے خلاف مہم چلانے کا بھی اعتراف کرلیا۔

سوشل میڈیا پر جاری ایک ویڈیو بیان میں ارسلان، جن کا اصل نام تحریک انصاف کے نوٹیفکیشن کے مطابق ارسلان مشتاق ہے، نے کہا کہ اظہر مشوانی صاحب پتا ہے یہ میں نے ماسک کیوں لگایا ہے کیونکہ ابھی میں آدھا سچ بتانے لگا ہوں، جب میں اگلا ٹوئٹ کروں گا اس میں پورا سچ ہو گا۔

ارسلان مشتاق پی ٹی آئی برطانیہ کے ڈپٹی لیڈر مقرر ہیں جبکہ سوشل میڈیا پر وہ ارسلان مشتاق کے ساتھ ساتھ ارسلان بلوچ اور لیلیٰ ہیں، یعنی ایک نہیں کئی اکاؤنٹ بلکہ فیک اکاؤنٹس ہیں۔

اس ویڈیو میں ارسلان جن صاحب سے مخاطب ہیں ان کا نام اظہر مشوانی ہے، جو تحریک انصاف کے اہم سوشل میڈیا کارکن ہیں اور وزیراعلیٰ پنجاب عثمان بزدار کے ڈیجیٹل میڈیا کے فوکل پرسن ہیں۔

اس ساری لڑائی میں وہ سب ثابت ہو گیا، جس کا سوشل میڈیا پر عرصے سے چرچا تھا، یعنی فیک اکاؤنٹس، فیک سوشل میڈیا ٹرینڈز اور کردار کشی کی فیک مہم کا وہ دھندا، جس کے ذریعے لوگوں کو نشانہ بنایا جاتا ہے۔

پی ٹی آئی پنجاب اور یو کے یورپ کے درمیان سامنے آنے والی اس لڑائی میں نا ایک دوسرے کے فیک اکاؤنٹس، فیک کمیپینز سامنے آئیں بلکہ سوشل میڈیا پر جاری کیے جانے کی وٹس ایپ گروپس کی ہدایات، گفتگو اور ان فیک اکاؤنٹس کی سوشل میڈیا کمپینز کو سرکاری طورپر حکمراں جماعت کے ویریفائیڈ اکاؤنٹس سے ٹوئٹ، ری ٹوئٹ اور لائیک کرنے کے ریکارڈ بھی کھل کھلا کر سامنے آگئے۔

اس معاملے میں مزید کیا کیا نکل کر آتا ہے، بس انتظار کیجیے۔

قومی خبریں سے مزید