Categories
Breaking news

پی ٹی آئی کا اسپیکر کے نام لکھا گیا خط قومی اسمبلی سیکریٹریٹ کو موصول

پی ٹی آئی کا اسپیکر کے نام لکھا گیا خط قومی اسمبلی سیکریٹریٹ کو موصول

پاکستان تحریک انصاف (پی ٹی آئی) کا اسپیکر قومی اسمبلی راجہ پرویز اشرف کے نام لکھا گیا خط قومی اسمبلی سیکریٹریٹ کو موصول ہوگیا۔

خط وائس چیئرمین پاکستان تحریک انصاف شاہ محمود قریشی نے اسپیکر قومی اسمبلی کو لکھا، جس میں کہا گیا کہ اپریل 2022ء کو 123 ممبران اسمبلی نے استعفیٰ دیا تھا۔

اسپیکر کو استعفوں کی تصدیق کیلئے خط لکھ دیا، شاہ محمود قریشی

پی ٹی آئی رہنما نے کہا کہ موجودہ اسپیکر راجہ پرویز اشرف نےحکومت کی ایما پر غیر قانونی اور آئین سے ہٹ کر فیصلہ کیا، 123 استعفے دیے لیکن مخصوص نشستوں پر الیکشن کروایا، اس کےباوجود مینڈیٹ عمران خان کو ضمنی انتخاب میں ملا۔

شاہ محمود قریشی نے کہا کہ میں نے قومی اسمبلی کے فلور پر استعفے سے متعلق زبانی اعلان کیا تھا، استعفے کے فیصلے کو تمام چینلز اور میڈیا نے نشر کیا۔

انہوں نے کہا کہ تحریک انصاف کے فیصلے کےخلاف محض چند ممبران کا استعفیٰ قبول کیا گیا، وقت ضائع کیے بغیر ہمارے ممبران کے استعفے منظور کیے جائیں۔

پی ٹی آئی رہنما نے کہا کہ پارلیمان میں سب سے بڑی جماعت کی غیر موجودگی میں قانون سازی پر بھی سوالیہ نشان ہے، اگرچہ ہم استعفے جمع کروا چکے ہیں، آپ کی تسلی کیلئے دوبارہ پیش ہونے کو تیار ہیں، اگلے ہفتے کسی بھی دن اپنی سہولت کے حساب سے ہمیں وقت دیں۔

قومی خبریں سے مزید

Original Article

Leave a Reply

Your email address will not be published. Required fields are marked *