Categories
Breaking news

پی ایس 88 ضمنی انتخاب، عام تعطیل نہ کرنے کیخلاف درخواست نمٹادی

Advertisement
پی  ایس 88 ضمنی انتخاب ،عام تعطیل نہ کرنے کیخلاف درخواست نمٹادی

Advertisement

پی ایس 88 ضمنی انتخاب میں عام تعطیل نہ کرنے کے خلاف درخواست کی سماعت میں عدالت نے برہمی کا اظہار کرتے ہوئے ریمارکس دیئے کہ کل الیکشن ہے، لاکھوں روپے خرچ ہوچکے ہیں اگر اتنا ہی خیال ہے تو پہلے آجاتے۔

سندھ ہائیکورٹ میں جسٹس محمد علی مظہر نے پی ایس 88 ضمنی انتخاب میں عام تعطیل نہ کرنے کے خلاف درخواست کی سماعت کی، سماعت کے دوران وکیل الیکشن کمیشن اور درخواست گزار کے وکیل عدالت میں پیش ہوئے۔

Table of Contents

x
Advertisement

وکیل الیکشن کمیشن نے عدالت کو بتایا کہ سندھ حکومت نے حلقے میں عام تعطیل کا اعلان کردیا ہے۔

وکیل درخواست گزار نے موقف اختیار کیا کہ پورے کراچی میں عام تعطیل نہ ہوئی تو لوگوں کو بہت پریشانی ہوگی، اس پر جسٹس محمد علی مظہر نے ریمارکس دیتے ہوئے کہا کہ آپ کیا چاہتے ہیں ہم الیکشن روک دیں ؟

عدالت نے برہمی کا اظہار کرتے ہوئے کہا کہ بیلٹ پیپرز چھپ چکے ہیں، لاکھوں روپے خرچ ہوچکے ہیں اگر اتنا ہی خیال ہے تو پہلے آجاتے۔

جسٹس محمد علی مظہر نے کہا کہ پھر کہا جائے گا سندھ ہائیکورٹ نے الیکشن روک دیا۔

اس موقع پر عدالت نے الیکشن کمیشن کے جواب کے بعد دائر درخواست نمٹا دی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *