Categories
Breaking news

پی آئی اے کو بین الاقوامی سطح پر اس کا مقام واپس دلوائیں گے، وزیراعظم

پی آئی اے کو بین الاقوامی سطح پر اس کا مقام واپس دلوائیں گے، وزیراعظم

وزیراعظم عمران خان نے کہا ہے کہ پاکستان انٹرنیشنل ایئرلائن (پی آئی اے) کو اس کا مقام واپس دلوائیں گے۔

Advertisement

وزیرِاعظم کی زیرِصدارت پی آئی اے سے متعلق اجلاس ہوا جس میں وزیر ہوابازی غلام سرور خان، سی ای او پی آئی اے ایئر مارشل (ر) ارشد ملک، عشرت حسین، سینیٹر نعمان وزیر خٹک، سیکریٹری ایوی ایشن شوکت، ڈی جی سول ایوی ایشن اور متعلقہ اعلیٰ افسران نے شرکت کی۔

ڈاکٹر عشرت حسین نے اجلاس کو پی آئی اے کی تنظیم نو کی حکمتِ عملی سے آگاہ کیا اور بتایا کہ اس کی تنظیم نو سے پی آئی اے کی مالی حالت میں بہتری لائی جاسکے گی۔

ان کا یہ بھی کہنا تھا کہ منافع بخش روٹ بڑھا کر بین الاقوامی خطوط پر سروس دی جا سکے گی۔

ائیر مارشل(ر) ارشد ملک کی جانب سے وزیرِاعظم کو پی آئی اے کی بہتری کے اقدامات پر بریفنگ دی گئی۔

اس موقع پر وزیراعظم عمران خان نے پی آئی اے کی تنظیمِ نو کی حکمتِ عملی پر اسٹیک ہولڈرز سے مشاورت مکمل کرنیکی ہدایت کی۔

ان کا کہنا تھا کہ قومی ائیر لائنز کا ماضی تابناک ہے، اسے بین الاقوامی سطح پر اپنا مقام واپس دلائیں گے۔

وزیراعظم نے کہا کہ پی آئی اے آپریشنز منافع بخش بنانے کے لیے سروس کو عالمی معیار کے مطابق بنانا ہوگا۔

Table of Contents

x
Advertisement

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *