Categories
Breaking news

پیپلز پارٹی کے رکن قومی اسمبلی کووڈ کے باعث انتقال کرگئے

پیپلز پارٹی کے رکن قومی اسمبلی کووڈ کے باعث انتقال کرگئے

کورونا نے ایک اور سیاستدان کی زندگی کا خاتمہ کردیا، پیپلز پارٹی کے رکن قومی اسمبلی کووڈ کے باعث انتقال کرگئے۔تفصیلات کے مطابق یپلزپارٹی کے رکن قومی اسمبلی پیر نور محمد جیلانی کرونا کے باعث انتقال کرگئے، پیر نور محمد جیلانی کووڈ کے باعث کراچی کے نجی اسپتال میں زیر علاج تھے۔

نور محمدجیلانی تھر پارکر کے حلقہ چھاچھرو سے رکن قومی اسمبلی منتخب ہوئے تھے، دو ہزار اٹھارہ کے عام انتخابات میں انہوں نے موجودہ وزیر خارجہ شاہ محمو قریشی کو تھرپارکر کے حلقے این اے 221 پر شکست سے دوچار کیا تھا۔

اس سے قبل اکیس دسمبر کو مسلم لیگ نواز کی سینیٹر محترمہ کلثوم پروین بھی کرونا وائرس کے باعث انتقال کرگئیں تھیں، سینیٹر کلثوم پروین گزشتہ گئی ہفتے سے کرونا وائرس کا شکار تھیں۔

سترہ دسمبر کو سینئرصحافی طارق محمود بھی کرونا کے باعث انتقال کرگئے تھے۔

دس دسمبر کو وزیراعلیٰ سندھ سید مراد علی شاہ کے مشیر اعجاز شاہ شیرازی بھی کرونا وائرس کے باعث انتقال کرگئے تھے۔

اس سے قبل چودہ نومبر کو نجی ٹی وی سے وابستہ سینئر صحافی ارشد وحید چوہدری بھی کرونا کے باعث انتقال کرگئے تھے، ارشد وحید چوہدری نیشنل پریس کلب کےسینئر نائب صدر بھی تھے۔

بارہ نومبر کو چیف جسٹس پشاور ہائیکورٹ جسٹس وقار احمد سیٹھ علالت کے باعث انتقال کرگئے تھے، اسی روز سابق وزیر اعظم راجہ پرویز اشرف بھی کرونا وائرس میں مبتلا ہوئے تھے، راجہ پرویز اشرف کے کوویڈ 19 میں مبتلا ہونے کی تصدیق ان کے صاحبزادے نے ٹوئٹ کے ذریعے کی جو بعد ازاں کرونا وبا کو شکست دینے میں کامیاب ہوگئے تھے۔

Advertisement

Leave a Reply

Your email address will not be published. Required fields are marked *