Categories
Breaking news

پیپلز پارٹی کا ایل این جی درآمد میں تاخیر پر پارلیمانی تحقیقات کا مطالبہ

پیپلز پارٹی کا ایل این جی درآمد میں تاخیر پر پارلیمانی تحقیقات کا مطالبہ

پاکستان پیپلز پارٹی (پی پی پی) نے مائع قدرتی گیس (ایل این جی) درآمد میں تاخیر پر پارلیمانی تحقیقات کروانے کا مطالبہ کردیا۔

پیپلز پارٹی کی رہنما شیری رحمان نے کہا ہے کہ حکومت ملک کو گردشی قرضوں میں ڈبو رہی ہے، توانائی کا گردشی قرضہ 2253 ارب روپے تک پہنچ چکا ہے۔

Table of Contents

x
Advertisement

ان کا کہنا تھا کہ حکومتی نااہلی سے گیس شعبے کا گردشی قرضہ 350 ارب روپے ہوگیا، گیس کا گردشی قرضہ پورا کرنے کے لیے اب گیس کی قیمتیں بڑھائی جائیں گی۔

یہ بھی پڑھیے

پی پی پی سینیٹر نے کہا کہ ایل این جی درآمد میں تاخیر سے ملک کو بحران اور اربوں روپے کا نقصان ہوا، ایل این جی درآمد میں تاخیر اور پھر مہنگے داموں خریداری پر سوالات اٹھتے ہیں۔

انھوں نے مطالبہ کیا کہ ملک میں ایل این جی کی درآمد میں تاخیر کی پارلیمانی تحقیقات کروائی جائیں۔

انھوں نے بتایا کہ صرف ایل این جی درآمد میں تاخیر کی وجہ سے 122 ارب روپے کا نقصان ہوا۔

رہنما پیپلز پارٹی نے تحریک انصاف کی حکومت کو آڑے ہاتھوں لیتے ہوئے کہا کہ کابینہ کے عدم اقدامات اور ناکامیوں کے ذمہ دار وزیر اعظم ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *