Categories
Breaking news

پیپلز پارٹی نے پیٹرولیم مصنوعات کی قیمتوں میں اضافہ مسترد کردیا

پیپلز پارٹی نے پیٹرولیم مصنوعات کی قیمتوں میں اضافہ مسترد کردیا

پاکستان پیپلز پارٹی کے چیئرمین بلاول بھٹو زرداری نے پیٹرولیم مصنوعات کی قیمتوں میں اضافہ مسترد کرتے ہوئے کہا ہے کہ جاتے جاتے عمران خان نے عوام پر مہنگائی کی بمباری تیز کردی ہے۔

کراچی سے جاری ایک بیان میں بلاول بھٹو زرداری کا کہنا ہے کہ مہنگائی، بےروزگاری اور کرپشن کے بعد عمران خان نے تیل کی قیمت بھی ریکارڈ سطح پر پہنچا دی ہے، پیٹرولیم مصنوعات کی قیمتوں میں اضافہ عوام کی جیب پر ڈاکا ہے، جسے پاکستان قبول نہیں کرے گا۔

انہوں نے کہا کہ سی این جی اسٹیشنز بھی تین ماہ سے بند تھے، تیل کی قیمتوں میں اضافہ مہنگائی میں مزید اضافہ کرے گا، اشیائے خور و نوش کے نرخ عوام کی پہنچ سے بھی باہر ہو جائیں گے، تیل کی قیمتوں میں اضافہ تو پہاڑ جتنا اور کمی چیونٹی جتنی بھی نہیں کی جاتی ہے۔

حکومت نے پٹرولیم مصنوعات کی قیمتوں میں بڑا اضافہ کردیا

وفاقی حکومت نے پٹرولیم مصنوعات کی قیمتوں میں 12 روپے تک اضافہ کردیا گیا۔

ان کا یہ بھی کہنا تھا کہ 27 فروری سے لانگ مارچ عوام کی جیبوں پر ڈالے گئے ہر ڈاکے کا حساب لے گا، کٹھ پتلی سرکس کے خاتمے کے دن آن پہنچے ہیں۔

واضح رہے کہ حکومت نے پیٹرول کی قیمت میں 12 روپے 3 پیسے، ڈیزل کی قیمت میں 9 روپے 53 پیسے، مٹی کے تیل کی قیمت میں 10 روپے 8 پیسے اور لائٹ ڈیزل کی قیمت میں 9 روپے 43 پیسے فی لیٹر اضافہ کر دیا ہے۔

قومی خبریں سے مزید

Original Article

Leave a Reply

Your email address will not be published.