Categories
Breaking news

پیپلز پارٹی نے آج سیاسی خودکشی کرلی، جانے پر خوش ہیں، عبدالغفور حیدری

Advertisement
پیپلز پارٹی نے آج سیاسی خودکشی کرلی، جانے پر خوش ہیں، عبدالغفور حیدری

اپوزیشن اتحاد (پی ڈی ایم) میں شامل جمعیت علماء اسلام (ف) کے مرکزی رہنما مولانا عبدالغفور حیدری نے کہا ہے کہ پیپلز پارٹی نے آج سیاسی خودکشی کرلی، ہم اُن کے جانے پر خوش ہیں۔

پیپلز پارٹی کے پی ڈی ایم چھوڑنے کے فیصلے پر جیو نیوز سے گفتگو میں مولانا عبدالغفور حیدری نے کہا کہ پیپلز پارٹی کے جانے کی خوشی ہوئی، اب ہم یکسوئی سے حکومت مخالف تحریک چلائیں گے۔

انہوں نے کہا کہ پیپلز پارٹی عمران خان کی حکومت کو سہارا دے رہی ہے، حکومت کے خلاف تحریک وہی چلاسکتے ہیں، جنہوں نے کشتیاں جلا رکھی ہوں۔

عبدالغفور حیدری نے مزید کہا کہ پیپلز پارٹی استعفے اس وقت دیتی جب انہوں نے باپ (بی اے پی) سے ووٹ لیے تھے، پی پی جو کررہی ہے اس کا جواب عوام اگلے الیکشن میں دیں گے۔

جیو نیوز نے اُس سے استفسار کیا کہ کیا پی ڈی ایم، عوامی نیشنل پارٹی (اے این پی) اور پیپلز پارٹی سے معافی مانگے گی؟

اس پر جے یو آئی رہنما نے جواب دیا کہ معافی کس بات کی؟ غلطیاں اور چالاکیاں وہ کریں اور معافی ہم کیسے مانگیں؟

انہوں نے واضح طور پر کہا کہ پیپلز پارٹی کے پی ڈی ایم سے جانے کی خوشی ہوئی ہے، اب ہم یکسوئی سے تحریک چلائیں گے۔

جیو نیوز نےسوال کیا کہ مولانا عبدالغفور حیدری صاحب کیا پی ڈی ایم کے دوبارہ اکٹھے ہونے کی کوئی گنجائش ہے؟

اس پر جواب دیتے ہوئے انہوں نے کہا کہ پیپلز پارٹی کی پی ڈی ایم میں واپسی کا صرف ایک ہی راستہ ہے کہ یوسف رضا گیلانی سینیٹ میں اپوزیشن لیڈر نشست چھوڑ دیں، اس کے بعد اگلی بات ہوگی۔

قومی خبریں سے مزید

Original Article

Leave a Reply

Your email address will not be published. Required fields are marked *