پیٹرولیم مصنوعات کی قیمتیں برقرار رکھنے کا اعلان

وزیر خزانہ اسحاق ڈار – فوٹو: فائل

وزیر خزانہ اسحاق ڈار نے آئندہ 15 روز کے لیے پیٹرولیم مصنوعات کی قیمتیں برقرار رکھنے کا اعلان کردیا۔

پریس کانفرنس کے دوران وزیر خزانہ کا کہنا تھا کہ حکومت نے فیصلہ کیا ہے کہ کسی بھی پیٹرولیم مصنوعات کی قیمتیں نہیں بڑھیں گی۔

خیال رہے کہ یہ مسلسل تیسری مرتبہ ہے کہ ملک میں پیٹرولیم مصنوعات کی قیمتوں کو برقرار رکھا گیا ہے۔

اس سے قبل 30 ستمبر کو پیٹرولیم مصنوعات کی قیمتوں میں ردوبدل کرتے ہوئے ان میں بڑی کمی کردی گئی تھی۔

پیٹرول کی موجودہ قیمت 224 روپے 80 پیسے، ڈیزل کی فی لٹر قیمت 235 روپے 30 پیسے برقرار رہے گی۔

اسی طرح مٹی کے تیل کی قیمت 191 روپے 83 پیسے فی لٹر اور لائٹ ڈیزل آئل کی قیمت 186 روپے 50 پیسے فی لٹر برقرار رہے گی۔

قومی خبریں سے مزید

عمران خان حملہ کیس: تحقیقاتی ٹیم کا سربراہ ایک بار پھر تبدیل