Categories
Breaking news

پہلی بار ہے کہ مسلم لیگ نے ظلم کے سامنے جھکنے سے انکار کردیا، مریم نواز

ضرورت نہیں کہ فوج سے کہے کہ تختہ الٹ دو، مریم نواز

پاکستان مسلم لیگ ن کی نائب صدر مریم نواز کا کہنا ہے کہ پہلی بار ہے کہ مسلم لیگ (ن) نے ظلم کے سامنے جھکنے سے انکار کردیا، جن کے پاس عوام کی طاقت ہوتی ہے وہ کسی ادارے کی طرف نہیں دیکھتے، ہمیں کیا اپنی طرح سمجھتے ہو جو بار بار امپائر کی انگلی کی طرف دیکھا کرتے تھے۔

Advertisement

سکھر میں مسلم لیگ ن کے کنونشن سے خطاب کرتے ہوئے مریم نواز نے کہا کہ عمران خان کی ایک ہی کوالیفکیشن ہے ہاتھ باندھ کر تابعداری کرنا۔

مریم نواز نے کہا کہ جب بھی جمہوریت کے لیے قربانیاں دینے کی بات ہوگی، نواز شریف کا نام آئے گا، جس شاندار ملتان سکھر موٹروے پر سفر کرکے آئی ہوں، وہ نواز شریف نے بنائی ہے۔

Table of Contents

x
Advertisement

رہنما مسلم لیگ ن نے کہا کہ آج نواز شریف کی حکومت نہیں تو ملک میں غربت کے ڈیرے ہیں، نواز شریف دوبارہ اقتدار میں آئے تو ترقی کا سفر وہیں سے شروع ہوگا جہاں سے ٹوٹا تھا۔

انہوں نے کہا کہ سیاسی مخالفین کو چور کہنے والا ڈھائی سال بعد کہتا ہے حکومت چلانے کی تیاری نہیں تھی، جب تمھاری تیاری نہیں تھی تو بائیس کروڑ عوام کی زندگیوں سے کھیلنے کی کیا ضرورت تھی۔

یہ بھی پڑھیے

مریم نواز نے کہا کہ ان کی حکومت چلانے کی تیاری نہیں تھی، لیکن چوری کرنے کی پوری تیاری تھی، کون کہتا تھا کہ ملک میں مہنگائی ہو تو حکمراں چور ہوتا ہے۔

انہوں نے کہا کہ اپوزیشن کو ضرورت نہیں کہ فوج سے کہے کہ تختہ الٹ دو، اپوزیشن کے پاس عوام کی طاقت ہے، کسی کو نکالنے کے لیے کسی سے کچھ کہنے کی ضرورت نہیں ہے۔

رہنما مسلم لیگ ن نے کہا کہ عوام کے ساتھ جو جھوٹ بولے، وہ تمھارے ہی سامنے آرہے ہیں، اپنے دماغ سے غلط فہمی دور کرلو کہ تم منتخب ہو۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *