Categories
Breaking news

پنجاب میں پولیس کی خالی آسامیوں پر دس ہزار بھرتیوں کا عمل شروع

Advertisement

پنجاب پولیس

پنجاب میں پولیس کی خالی آسامیوں پر دس ہزار بھرتیوں کا عمل شروع کردیا گیا ، پہلے فیز میں5700 بھرتیاں کی جارہی ہے۔

Advertisement

تفصیلات کے مطابق وزیراعلیٰ عثمان بزدار نے سماجی رابطے کی ویب سائٹ ٹوئٹر پر اپنے پیغام میں کہا پنجاب میں میرٹ پر پولیس کی خالی پوسٹوں پر 10ہزاربھرتیوں کا عمل شروع ہوگیا ہے ،پہلےفیزمیں5700بھرتیاں کی جارہی ہیں۔

پولیس میں میرٹ پر پڑھےلکھے نوجوانوں کی بھرتی اور ان کی جدید خطوط پر ٹریننگ انتہائی ضروری ہے تاکہ روایتی پولیس کلچر میں تبدیلی آئے اور پبلک سروس ڈلیوری بہتر ہو
صوبےبھر میں میرٹ پر پولیس کی خالی پوسٹوں پر 10ہزار بھرتیوں کا عمل شروع ہو چکاہے جس میں سے 5700 پہلےفیز میں رکھےجا رہےہیں https://t.co/eZYIHs7hNI

— Usman Buzdar (@UsmanAKBuzdar) November 5, 2020

عثمان بزدار کا کہنا تھا کہ پولیس میں میرٹ پر پڑھے لکھے نوجوانوں کی شمولیت وقت کی ضرورت ہے اور پولیس میں بھرتی نوجوانوں کی جدیدخطوط پرٹریننگ ضروری ہے، روایتی پولیس کلچرمیں تبدیلی،پبلک سروس ڈیلوری بہتربنانی ہے۔

یاد رہے وزیراعلیٰ پنجاب کی زیرصدارت نوتعمیر شدہ پولیس انوسٹی گیشن کمپلیکس کی عمارت میں خصوصی اجلاس ہواتھا، جس میں عثمان بزدار نے پولیس میں 5700 بھرتیوں کی منظوری دی تھی۔

وزیراعلی پنجاب نے 101 تھانوں کو اراضی کی منتقلی کا عمل تیز کرنے کی ہدایت کرتے ہوئے کہا پولیس افسران اوپن ڈور پالیسی پر عملدرآمد یقینی بنائیں، پولیس عوام کو بہترین سروس دے اور تمام وسائل مہیا کریں گے۔

عثمان بزدارکا کہنا تھا کہ پنجاب میں ہر پولیس افسر کو میرٹ پر کام کرنے کی آزادی میسر ہے، صوبے میں انوسٹی گیشن کے عمل کو مرکزی انوسٹی گیشن سینٹر سے مانیٹر کریں گے

Advertisement

Leave a Reply

Your email address will not be published. Required fields are marked *