پنجاب میں بلدیاتی انتخابات تاخیر کا شکار ہو گئے، نئے بلدیاتی آرڈیننس کے باعث نئی حلقہ بندیوں کی ضرورت پیش آ گئی۔

الیکشن کمیشن حکام کا کہنا ہے کہ حکومت نے اپنا ہی بنایا بلدیاتی قانون عمل درآمد سے قبل ختم کر دیا، نئے آرڈیننس کے تحت انتخابات جون میں ممکن ہیں، نہ اگست میں، نئے آرڈیننس کے تحت نئی حلقہ بندیاں کرنا پڑیں گی۔

Table of Contents

x
Advertisement

اس ضمن میں حکومت پنجاب کا کہنا ہے کہ نئے آرڈیننس سے بلدیاتی ادارے مضبوط اور اختیارات نچلی سطح پرمنتقل ہوں گے۔

پنجاب حکومت کا یہ بھی کہنا ہے کہ الیکشن کمیشن بیک وقت انتخابات کی بجائے مرحلہ وار انتخابات کرائے، پہلے مرحلے میں پنجاب کے 3 ڈویژنوں میں الیکشن اگست میں کرائے جا سکتے ہیں۔

نئے آرڈیننس کے تحت ہر گاؤں میں 5 افراد پر مشتمل پنچایت بنے گی، شہری علاقوں میں نیبر ہڈ کونسل اور دیہی علاقوں میں ویلج کونسل ہو گی۔

آرڈیننس کے مطابق نیبر ہڈ کونسل اور ویلج کونسل کی تعداد 25 ہزار سے کم کر کے 6 یا 8 ہزار رکھنے کا فیصلہ کیا گیا ہے، ویلج کونسل اور نیبر ہڈ کونسل 13 منتخب ارکان پر مشتمل ہوگی۔

ٹاؤن کمیٹی 20 کی بجائے 50 ہزار کی آبادی پر قائم ہو گی، میونسپل کمیٹی 75 ہزار، میونسپل کارپوریشن ڈھائی لاکھ آبادی پر مشتمل ہو گی۔

آرڈیننس میں مری کو میونسپل کارپوریشن کا درجہ دیا گیا ہے، ہر ڈویژن ہیڈ کوارٹرکا ضلع میٹرو پولیٹن کارپوریشن کہلائے گا، بلدیاتی انتخابات ہر سطح پر جماعتی بنیادوں پر ہوں گے۔

قومی خبریں سے مزید