Categories
Breaking news

پنجاب تا گلگت آندھی کے ساتھ بارش کا امکان

پنجاب تا گلگت آندھی کے ساتھ بارش کا امکان

محکمہ موسمیات نے آج پنجاب، خیبر پختون خوا، کشمیر اور گلگت بلتستان میں آندھی کے ساتھ بارش کا امکان ظاہر کیا ہے، جبکہ سندھ اور جنوبی بلوچستان میں موسم شدید گرم رہے گا۔

خیبر پختون خوا، آزاد کشمیر میں وقفے وقفے سے بارش کا سلسلہ جاری ہے، ادھر بابوسر ٹاپ پر برف باری سے نشیبی علاقوں میں ٹھنڈ کی شدت برقرار ہے۔

ملک میں کہیں گرمی، کہیں بارش، کہیں برف باری

ملک میں کہیں گرمی ہے تو کہیں بارش سے موسم کافی بہتر ہے جبکہ کہیں برف باری بھی جاری ہے۔

ملک کے مختلف علاقوں میں وقفے وقفے سے بارش کا سلسلہ جاری ہے، لاہور کے مختلف علاقوں میں بھی صبح سویرے ہلکی بارش ہوئی ہے۔

خیبر پختون خوا میں سوات، مالا کنڈ سمیت متعدد جگہوں پر موسلا دھار بارش سے موسم خوش گوار ہے۔

کہیں بارش سے موسم خوش گوار، کہیں ہلکی گرمی

ملک میں کہیں بارش نے موسم کو کافی بہتر اور خوش گوار کر دیا ہے تو کہیں ہلکی گرمی کا راج ہے۔

آزاد کشمیر میں مظفر آباد، نکیال، باغ سمیت متعدد مقامات پر گرج چمک کے ساتھ بارش ہوئی، جس سے وادی کا حسن مزید نکھر گیا۔

گلگت بلتستان میں بابو سر ٹاپ، نانگا پربت، بٹوگاہ ٹاپ پر وقفے وقفے سے برف باری جاری ہے جبکہ نشیبی علاقوں میں ہلکی بارش ہو رہی ہے جس سے موسم ٹھنڈا اور خوش گوار ہے۔

قومی خبریں سے مزید

Original Article

Leave a Reply

Your email address will not be published. Required fields are marked *