Categories
Breaking news

پنجاب اسمبلی:حمزہ شہباز ان ہاؤس تبدیلی کیلئے متحرک ہوگئے

پنجاب اسمبلی:حمزہ شہباز ان ہاؤس تبدیلی کیلئے متحرک ہوگئے

پنجاب اسمبلی میں قائد حزبِ اختلاف حمزہ شہباز اِن ہاؤس تبدیلی کے لیے متحرک ہو گئے، انہوں نےمختلف پارٹی رہنماؤں کو ہدایت کی ہےکہ جائزہ لیا جائے کہ اگر وہ پنجاب میں اِن ہاؤس تبدیلی کی کوشش کرتے ہیں تو ان کا کیا اسکور ہوگا۔

مسلم لیگ نون کے ذرائع کے مطابق حمزہ شہباز نے اس سلسلے میں ایک ہفتے کے دوران مختلف ارکان اسمبلی سے ملاقاتیں کیں۔

حمزہ شہبازنےملک ندیم کامران، رانا اقبال، منشاء اللہ بٹ اور رانا مشہود سمیت دیگر کو ٹاسک سونپتےہوئے ہدایت کی کہ پارٹی ارکان پنجاب میں اِن ہاؤس تبدیلی کا جائزہ لیں اور دیکھیں کہ اِن ہاؤس تبدیلی کے لیے کتنے ارکان نون لیگ کا ساتھ دیں گے۔

ذرائع کےمطابق لیگی ارکان اِن ہاؤس تبدیلی کی ٹائمنگ پر بھی مشاورت کریں گے اور ہم خیال ارکان کو بجٹ کے دوران غیر حاضر رہنے پر قائل کریں گے۔

لیگی ارکان سفارشات تیار کرکے حمزہ شہباز کو پیش کریں گے۔

قومی خبریں سے مزید

Original Article

Leave a Reply

Your email address will not be published. Required fields are marked *