Categories
Breaking news

پنجاب اسمبلی، پرویز الہٰی کو ووٹ دینے کیلئے PTI ایم پی ایز کو نوٹس جاری

فائل فوٹو
فائل فوٹو

پنجاب اسمبلی میں وزیراعلیٰ پنجاب کے انتخاب کیلئے تحریک انصاف نے پارٹی ارکانِ پنجاب اسمبلی کو پرویز الہٰی کو ووٹ دینے کا پابند بنانے کیلئے نوٹس جاری کردیئے ہیں۔

نوٹس پارٹی کے سیکرٹری جنرل اسد عمر کی طرف سے جاری کئے گئے جس میں کہا گیا ہے کہ وزیراعلیٰ پنجاب کےانتخاب میں پارٹی ایم پی ایز پرویز الہٰی کو ووٹ دینے کے پابند ہوں گے۔

پارٹی نوٹس کے مطابق پی ٹی آئی چیئرمین عمران خان نے پرویز الٰہی کو وزیراعلیٰ کے لئے امیدوار نامزد کیا ہے، پارٹی کے تمام ارکان اسمبلی چوہدری پرویز الٰہی کو ووٹ دیں ۔

وزیراعظم آج بزدار، پرویز الہٰی سے ملاقات کیلئے لاہور آئیں گے

وزیراعظم عمران خان آج ایک روزہ دورے پر لاہور آئیں گے، ان سے مستعفی وزیراعلیٰ عثمان بزدار اور وزارتِ اعلیٰ کے لئے نامزد حکومتی امیدوار چوہدری پرویز الہٰی کی ملاقاتیں ہوں گی۔

نوٹس کے متن میں تحریر ہے کہ غیر حاضری بھی ڈسپلن کی خلاف ورزی تصور ہوگی، الیکشن کے روز غیر حاضر رہنا یا خلاف ووٹ دینے پر آرٹیکل 63 اے کے تحت کارروائی ہوگی۔

ذرائع کا بتانا ہے کہ خلاف ورزی پرمنحرف ارکان کےخلاف ریفرنس دائر کیے جائیں گے، منحرف ارکان کی حمزہ شہباز کے ساتھ پریس کانفرنس، ملاقاتوں کا ریکارڈ اکٹھا کرلیا گیا ہے۔

ذرائع نے بتایا کہ ایوان میں اپوزیشن بینچوں پر بیٹھنے کی ویڈیو بھی ریکارڈ کا حصہ بنالی گئی ہے۔

قومی خبریں سے مزید

Original Article

Leave a Reply

Your email address will not be published.