پنجاب، خیبر پختونخوا میں الیکشن کی تاریخ نہ آنے پر تشویش ہے، چوہدری پرویز الہٰی

سابق وزیراعلیٰ پنجاب چوہدری پرویز الہٰی نے کہا ہے کہ پنجاب اور خیبر پختونخوا میں الیکشن کی تاریخ نہ آنے پر تشویش ہے۔

عمران خان سے ملاقات کے بعد میڈیا سے گفتگو میں پرویز الہٰی نے کہا کہ الیکشن کمیشن کے متنازع اقدامات پر احتجاج جاری رکھنے کا فیصلہ کرلیا ہے۔

انہوں نے کہا کہ عمران خان سے ملاقات میں الیکشن کمیشن کےاقدامات کے خلاف آئینی آپشنز پر بات ہوئی۔

سابق وزیراعلیٰ پنجاب نے مزید کہا کہ اس دوران اعلیٰ عدلیہ سے رجوع کرنے اور دیگر سیاسی آپشنز پر بھی گفتگو کی گئی۔

ان کا کہنا تھاکہ پنجاب اور خیبر پختونخوا میں صوبائی اسمبلیاں تحلیل ہونے کے باوجود الیکشن کی تاریخ نہ آنے پر تشویش ہے۔

چوہدری پرویز الہٰی نے یہ بھی کہا کہ بیورو کریسی کی اکھاڑ پچھاڑ پر بھی بات ہوئی، عمران خان آئندہ سیاسی معاملات سے متعلق اپنی تجاویز سے بھی آگاہ کیا۔

قومی خبریں سے مزید

بلاول بھٹو زرداری اور آصفہ بھٹو دبئی چلے گئے