Categories
Breaking news

پشاور میں بچی کو قتل اور جلانے کا دلخراش واقعہ، رپورٹ طلب

Advertisement
پشاور میں بچی کو قتل اور جلانے  کے واقعہ کی رپورٹ طلب

Advertisement

خیبر پختونخوا کے آئی جی ڈاکٹر ثناء اللّٰہ عباسی نے بڈھ بیر میں بچی کے قتل کے واقعہ پررپورٹ طلب کرتے ہوئے کہا کہ ملزمان کو جلد گرفتار کرکے انصاف کے کٹہرے میں لایا جائے۔

آئی جی پولیس نے کہا کہ معصوم جانوں سے کھیلنے والے افراد کسی بھی رعایت کے مستحق نہیں ہیں، اطلاع ملنے پر متعلقہ ایس پی نے بچی کے والدین سے ملاقات کی ہے۔

Table of Contents

x
Advertisement

دوسری جانب ایس ایس پی آپریشنز منصور امان نے کہا کہ آج صبح بچی کی لاش قبرستان سے ملی جسے جلایا بھی گیا ہے، یہ ایک انتہائی دلخراش واقعہ ہے، پولیس کے لئے اعلیٰ سطح کا کیس ہے۔

منصور امان کا کہنا ہے کہ جائے وقوعہ سے تمام شواہد اکٹھے کرلئے ہیں، جبکہ تحقیقات کے لئے مختلف کمیٹیاں تشکیل دے دی گئی ہیں، ملزمان کو جلد گرفتار کر کے قرار واقعی سزا دیں گے۔

آئی جی خیبر پختونخوا ڈاکٹر ثناء اللّٰہ عباسی نے بچی کے والدین سے رابطہ کر کے انہیں انصاف دلانے کی یقین دہانی کروائی ہے۔

بڈھ بیر میں بچی کے قتل کے خلاف لوگوں نے کوہاٹ روڈ پر احتجاجی مظاہرہ کیا۔

یہ بھی پڑھیے

مظاہرے میں عوامی نیشنل پارٹی (اے این پی) کے رکن خیبرپختونخوا اسمبلی خوشدل خان بھی موجود تھے۔

خوشدل خان کا کہنا ہے کہ پولیس نے واقعہ میں ملوث ملزمان جلد گرفتار کرنے کی یقین دہانی کرائی ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *