Categories
Breaking news

پشاور اور مردان سے شوال کا چاند نظر آنے کی شہادتیں موصول

فوٹو: فائل
فوٹو: فائل

خیبر پختون خوا کے دارالحکومت پشاور میں زونل رویت ہلال کمیٹی کو ماہ شوال کا چاند نظر آنے کی شہادتیں موصول ہوئی ہیں۔

پشاور میں قاری عبدالرؤف مدنی کی زیر زونل رویت ہلال کمیٹی کا اجلاس جاری ہے۔

زونل رویت ہلال کمیٹی کو پشاور کے نواحی علاقے سوڑیزئی سے 12 شہادتیں اور مردان سے 3 شہادتیں موصول ہوئی ہیں۔

قاری عبدالرؤف مدنی اور اُن کی ٹیم اجلاس میں شہادتوں کی شرعی حیثیت جانچ رہی ہے، جس کے بعد مرکزی رویت ہلال کمیٹی کو اس حوالے سے آگاہ کیا جائے گا۔

محکمہ موسمیات کے مطابق پشاور میں چاند دیکھنے کا دورانیہ 37 منٹ ہے، اس دوران موسم ابر آلود رہے گا، جس کی وجہ سے چاند نظر آنے کا امکان کم ہے۔

محکمہ موسمیات پہلے ہی کہہ چکا ہے کہ اس وقت چاند کی عمر 17 گھنٹے ہے اور چاند دکھائی دینے کے لیے اس کی عمر 19 گھنٹے ہونا ضروری ہے۔

قومی خبریں سے مزید

Original Article

Leave a Reply

Your email address will not be published.