Categories
Breaking news

پشاور انتظامیہ کی اپوزیشن اتحاد کو جلسے کی اجازت دینے سے معذرت

Advertisement
پشاور انتظامیہ کی اپوزیشن اتحاد کو جلسے کی اجازت دینے معذرت

خیبرپختونخوا کے صوبائی دارالحکومت پشاور کی ضلعی انتظامیہ نے اپوزیشن اتحاد پاکستان ڈیموکریٹک موومنٹ (پی ڈی ایم) کو جلسہ کرنے کی اجازت دینے سے معذرت کرلی ہے۔

Advertisement

ملک بھر میں کورونا وائرس کے کیسز کی تعداد میں اضافہ ہورہا ہے، اسی تناظر میں پشاور کی ضلعی انتظامیہ نے پی ڈی ایم کو 22 نومبر کو جلسہ کرنے کی اجازت دینے سے معذرت کرلی۔

Table of Contents

x
Advertisement

ضلعی انتظامیہ نے مزید کہا کہ شہر میں کورونا وائرس کی صورتحال تشویشناک ہے، کیسز کی شرح 13فیصد تک پہنچ گئی ہے۔

دوسری جانب پی ڈی ایم کے میڈیا کوآرڈینیٹر عبدالجلیل خان نے جلسے کی اجازت دینے سے معذرت پر کہا کہ 22 نومبر کو پی ڈی ایم کا جلسہ ہر صورت ہوگا۔

انہوں نے کہا کہ پشاور ضلعی انتظامیہ کی جانب سے پابندی کسی صورت برداشت نہیں کریں گے۔

اس حوالے سے پیپلز پارٹی کے رہنما چوہدری منظور نے کہا کہ حکومت نے خیبرپختونخوا اور راولپنڈی میں جلسہ کیا تو کیا وہاں کورونا وائرس نہیں تھا۔

انہوں نے واضح طور پر کہا کہ پی ڈی ایم کورونا وائرس کے حوالے طے شدہ قواعد وضوابط (ایس او پیز) کے ساتھ جلسے کرے گی۔

ملتان میں مزید 4 مقامات پر اسمارٹ لاک ڈاؤن نافذ کردیا گیا ہے جبکہ بہاولپور میں کورونا وائرس کے کیسز میں اضافے پر 5 علاقوں میں اسمارٹ لاک ڈاؤن کیا گیا ہے۔

دوسری طرف اسپیکر قومی اسمبلی اسد قیصر نے پارلیمانی کمیٹی برائے کورونا وائرس کا اجلاس 25 نومبر کو طلب کرلیا ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *