پرویز الہٰی کے جنرل فیض سے متعلق انکشافات

وزیراعلیٰ پنجاب چوہدری پرویز الہٰی نے کہا ہے کہ لیفٹننٹ جنرل (ر) فیض حمید ڈنڈی نہ مارتے تو عمران خان کسی کو جیلوں میں بھی بند نہ کرواتے۔

نجی ٹی وی کو دیے گئے انٹرویو میں پرویز الہٰی نے چوہدری شجاعت حسین سے تعلقات کی بحالی کی تصدیق کی اور کہا جمعہ اُن کے ساتھ ہی پڑھا ہے۔

انہوں نے انکشاف کیا کہ جنرل فیض حمید نے چیئرمین نیب کو کہا پرویز الہٰی اور مونس الہٰی کو اندر کردیں، ہم نے جنرل باجوہ سے شکایت کی تو انہوں نے جنرل فیض کی اچھی ٹھکائی کی۔

چوہدری پرویز الہٰی نے مزید انکشاف کیا کہ جنرل فیض کا کہنا تھا کہ انہیں عمران خان نے اندر کرنے کو کہا ہے۔

عثمان بزدار نے پنجاب کا بیڑا غرق کردیا تھا، میں نے 4 ماہ میں سب ٹھیک کیا، پنجاب کی وزارتِ اعلیٰ کے دوران ایک دن آرام نہیں کیا، مگر اب اوپر سے ڈنڈا چل گیا تو چل گیا۔

وزیراعلیٰ نے مزید کہا کہ اسمبلی توڑنے کی سمری پر دستخط کرکے عمران خان کو دے چکا ہوں مگر اسمبلیاں توڑنا ملک اور معیشت کے لیے نقصان دہ ہوگا۔

ان کا کہنا تھا کہ عمران خان نے اسمبلیاں توڑنے کی تاریخ اچانک نہیں دی، اسٹیبلشمنٹ چاہتی ہے کہ وفاقی اور صوبائی دونوں حکومتیں چلتی رہیں۔

چوہدری پرویز الہٰی نے یہ بھی کہا کہ جب حلف لیا تو عمران خان نے کہا کہ 2، 3 دن میں اسمبلیاں توڑدوں گا، میں نے جواب دیا یہ حکومت آپ کی امانت ہے۔

انہوں نے کہا کہ ن لیگ والے شرارتیں کرتے ہیں، ان کے کچھ ٹارگٹ ہیں، وہ ادھر، اُدھر بیٹھ کر لوگوں کو فیڈ کرتے ہیں۔

وزیراعلیٰ پنجاب نے کہا کہ عمران خان کو 3 ماہ پہلے کہا تھا کہ جنرل قمر جاوید باجوہ ہمارے اور آپ کے محسن ہیں، انہوں نے ہمیں بٹھا کر باجوہ صاحب کو برا بھلا کہا۔

ان کا کہنا تھا کہ پی ٹی آئی احسان فراموش نہ بنے، باجوہ صاحب پی ٹی آئی کو اٹھا کر کہاں سے کہاں لے گئے، پوچھتا ہوں آپ اپنے آپ کو سمجھتے کیا ہیں؟

پرویز الہٰی نے کہا کہ 99 فیصد لوگ چاہتے تھے کہ اسمبلیاں نہ ٹوٹیں، میں نے کہا کہ سامان تو سمیٹنے دیں کچھ دن دیں، میں نے کہا 12 دن بعد اسمبلی توڑیں انہوں نے کہا کہ 6 دن بعد توڑیں گے۔

انہوں نے کہا کہ سولو فلائٹ نواز شریف بھی کرتے تھے سو فارغ ہوگئے، جنرل فیض حمید ڈنڈی نہ مارتے تو عمران خان کسی کو جیلوں میں بھی بند نہ کرواتے۔

پرویز الہٰی نے دوران گفتگو نواز شریف کے لیے بھی نیک خواہشات کا اظہار کیا اور کہا کہ جنرل باجوہ سے کہا تھا کہ شہباز شریف سے زیادہ نواز شریف بہتر ہیں۔

انہوں نے کہا کہ نواز شریف اور مریم نواز میں سیاست کو دور تک دیکھنے کی صلاحیت ہے اور اسی لیے ان کا احترام بھی کرتا ہوں۔

وزیراعلیٰ پنجاب نے اس سوال پر کہ کیا 23 دسمبر کو اسمبلیاں ٹوٹ رہی ہیں؟ کے جواب میں کہا کہ کوئی فال نہیں نکال سکتے نہ ہی ہمارے پاس کوئی نجومی ہے۔

قومی خبریں سے مزید

Original Article

آصف زرداری کی چوہدری شجاعت سے ملاقات کی اندرونی کہانی

شکر گڑھ میں بیٹی نے باپ کو کلہاڑی کے وار سے قتل کردیا

پنجاب سے متعلق حتمی فیصلہ شجاعت حسین کی رضامندی سے مشروط

کارکن تیار رہیں جلد عام انتخابات ہوں گے، پرویز خٹک

وفاق کا کرسمس پر تنخواہ، پنشن ایڈوانس دینے کا فیصلہ

شہباز شریف اور آصف زرداری کی ملاقات کی اندرونی کہانی

میری رائے میں ہمیں تحریک عدم اعتماد نہیں لانی چاہیے، علی حیدر گیلانی

وزیراعظم آزاد کشمیر کا وفاق پر اُن کی حکومت گرانے کی کوشش کا الزام

اسمبلیاں ٹوٹنے پر 3 ماہ میں الیکشن کروانا نیوٹرلز کا اصل امتحان ہے، عمران خان

این ای ڈی کے طالبعلم کے ساتھ جو ہوا وہ بند ہوجانا چاہیے، گورنر کا پولیس کو الٹی میٹم

اسمبلیاں تحلیل، امین الحق کا عمران خان سے متعلق دعویٰ

عمران خان کی خام خیالی ہے کہ وہ عوام میں مشہور ہے، سلیمان شہباز

آصف زرداری کی وزیراعظم سے ملاقات، اہم امور پر گفتگو

گورنر ہاوس نوجوانوں کو بہترین مواقع فراہم کرنے کیلئے ایپ بنارہا ہے، کامران ٹیسوری

جنرل باجوہ عمران خان اور پرویز الہٰی کے بھی محسن ہیں، چوہدری سالک

ہمارا اتحاد قائم و دائم ہے اور انشاءاللّٰہ رہے گا، مونس الہٰی