پرویز الہٰی کا جی نہیں چاہ رہا کہ اسمبلیاں تحلیل ہوں: خواجہ آصف

وزیر دفاع خواجہ آصف—فائل فوٹو

وزیرِ دفاع خواجہ آصف کا کہنا ہے کہ کم از کم چوہدری پرویز الہٰی کا جی نہیں چاہ رہا کہ اسمبلیاں تحلیل ہوں، اگر ہمارے ساتھ ہوتے، آج بھی وزیرِ اعلیٰ ہوتے۔

سیالکوٹ میں ورکرز کنونشن سے خطاب کرتے ہوئے خواجہ آصف نے کہا کہ 70 برس میں جتنے عمران خان نے قرضے لیے کسی نے نہیں لیے، کہتے تھے کہ قرضہ نہیں لوں گا مر جاؤں گا، خود تو مرا نہیں مگر عوام کو مار دیا۔

انہوں نے کہا کہ ہمیں جو ورثے میں حکومت ملی اس کے حالات ٹھیک نہیں تھے، لیکن ہماری کوشش ہے حالات بہتر کریں گے۔

خواجہ آصف کا کہنا ہے کہ گزشتہ شام کو انہوں نے اپنا آخری پتہ کھیلا، کہتے ہیں کہ اسمبلیاں تحلیل کر دوں گا، مجھے پتہ نہیں کہ انہوں نے یہ کچھ دنوں کا وقفہ کیوں رکھا، پرویز الہٰی کا چہرہ دیکھنے والا تھا جیسے کوئی لوٹ گیا ہو، کسی کی مرضی کے مطابق استعفیٰ دینا ہے یا اسمبلیاں توڑنی ہیں ایسا نہیں ہوتا۔

وزیرِ دفاع نے کہا کہ عمران اس لیے چاہتا ہے کہ الیکشن جلدی ہوں اور تھوڑا وقت گزر گیا تو اس کے جادو کا اثر ختم ہو جائے گا، اس نے سارا جو جھوٹ بولا ہے سب کے سامنے ہے، دولت اور اقتدار کی ہوس اس کا نصب العین ہے۔

ان کا کہنا ہے کہ ملک میں سیاسی مدوجزر ہمارے سامنے ہے، اپریل میں تحریکِ عدم اعتماد کے نتیجے میں پی ڈی ایم کی حکومت اقتدار میں آئی، ایک شخص جو وزیرِ اعظم تھا، پروگرام بنا کر بیٹھا تھا کہ 10 سال حکمرانی کرے گا۔

مسلم لیگ ن کے رہنما کا مزید کہنا ہے کہ عدم اعتماد کی تحریک کے ذریعے شہباز شریف وزیرِ اعظم بنے، تقدس کے باعث ادارے کو عمران خان نے تنازع بنا دیا لیکن وہ بخیر و خوبی اختتام کو پہنچا۔

وفاقی وزیر نے یہ بھی کہا کہ آپ نے ملک کو 4 سال مہنگائی کی بھٹی میں بھون کر رکھ دیا، ہمارے پاس جو حکومت آئی وہ ٹوٹتی ہوئی معیشت تھی، ہم تگ و دو میں ہیں کہ پاکستان کے عوام کو کسی طرح ریلیف ملے، ہم کوشش میں ہیں کہ 4 سال کی مہنگائی کے آگے بند باندھیں۔

قومی خبریں سے مزید

Original Article

عمران خان جنرل باجوہ کیخلاف بات کر رہے تھے، تو مجھے بہت برا لگا: چوہدری پرویز الہٰی

وزیرِ اعلیٰ خیبرپختونخوا صوبے میں زیادہ، زمان پارک میں کم وقت گزاریں: رانا ثنا اللّٰہ

عمران خان نے خود اعتراف کیا کہ وہ ڈیلیور نہیں کر سکے: سراج الحق

پیرس: پاکستانی سفارتخانے میں قائدِ اعظم کی سالگرہ کی تقریب

پی ٹی آئی پہلی بال پھینکتی ہے، پی ڈی ایم پورا دن ڈھونڈتی ہے: فواد چوہدری

نوابشاہ: شوہر بیوی کو قتل کر کے فرار ہو گیا

ہمیں آئی ایم ایف کے آگے ہاتھ نہیں پھیلانے چاہئیں، گورنر سندھ کامران ٹیسوری

اسمبلی توڑنے کی تاریخ دینا سیاسی حکمتِ عملی ہے، راجہ بشارت

اسلام آباد: مبینہ زیادتی کے بعد بچہ قتل

پلان تیار ہے، قوم کو سرپرائز ملے گا: رانا مشہود

2022ء خیبر پختون خوا کیلئے بدترین سال رہا: ایمل ولی خان

اسمبلیوں کی تحلیل، عمران خان نے مشاورت کیلئے لیگل ٹیم کو طلب کر لیا

رینجرز کو کراچی کی ذمے داری دی جائے: خرم شیر زمان

صدرِ مملکت کی لکی مروت میں پولیس اہلکاروں پر حملے کی مذمت

کراچی: بذریعہ واٹس ایپ گٹکا اور ماوا فروخت کرنیوالا ملزم گرفتار

بلوچستان سے بڑی شخصیات پی ٹی آئی میں شامل ہو رہی ہیں: اسد عمر

عمران خان کا 23 دسمبر کو پنجاب اور کے پی اسمبلی توڑنے کا اعلان