Categories
Breaking news

پرویز الہٰی نے عمران خان کو اوقات یاد دلا دی: شرجیل انعام میمن

شرجیل انعام مین—فائل فوٹو
شرجیل انعام مین—فائل فوٹو

وزیرِ اطلاعات سندھ شرجیل انعام میمن نے کہا ہے کہ چیئرمین پی ٹی آئی عمران خان کو ان کے اپنے وزیرِ اعلیٰ نے شٹ اپ کال دے دی ہے، چوہدری پرویز الہٰی نے عمران خان اور پی ٹی آئی کو ان کی اوقات یاد دلا دی ہے۔

انہوں نے موجودہ سیاسی صورتِ حال پر اہم بیان جاری کرتے ہوئے کہا ہے کہ پرویز الہٰی سمجھدار سیاستدان ہیں، اِنہوں نے موقع دیکھ کر پتہ پھینکا ہے، پرویز الہٰی عمران خان سے گجرات، چکوال اور پنجاب کے دیگر اضلاع میں آئندہ انتخابات میں 30 نشستوں پر گارنٹی کا مطالبہ کر رہے ہیں۔

شرجیل انعام میمن نے کہا کہ پنجاب کے سب سے بڑے ڈاکو کا خطاب پانے والے اور جن کو وہ چپڑاسی رکھنے کے قابل نہیں سمجھتے تھے، آج وہی عمران خان پر بھاری پڑ گئے ہیں، عمران خان ریاست کو کرکٹ کا میدان سمجھ بیٹھے تھے، جہاں وہ ہر طرح کی من مانی کر سکیں۔

انہوں نے کہا کہ عمران نیازی سن لیں! اتحادی حکومت اور پاکستان کے عوام آپ کی عدم استحکام کی سازشیں ناکام بنائیں گے۔

شرجیل انعام میمن کامزید کہنا ہے کہ اطلاعات ہیں کہ پنجاب اور خیبر پختون خوا کی اسمبلیاں تحلیل کرنے کی تاریخ کا اعلان جادو ٹونے کے بعد کیا گیا، عمران خان اور پی ٹی آئی ملک کو جادو نگری میں تبدیل کرنے کی کوششیں کر رہے ہیں۔

ان کا یہ بھی کہنا ہے کہ نیازی صاحب ملک و قوم کی بقاء کے فیصلے جادو، ٹونے اور فال نکال کے کر رہے ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *