Categories
Breaking news

پاک انگلینڈ سیریز پاکستان میں نہیں دکھا پائیں گے، فواد چوہدری

پاک انگلینڈ سیریز پاکستان میں نہیں دکھا پائیں گے، فواد چوہدری

وفاقی وزیر اطلاعات فواد چوہدری نے کہا ہے کہ بھارتی کمپنی سے کاروبار نہ کرنے کے نتیجے میں پاکستان اور انگلینڈ کے درمیان کرکٹ سیریز پاکستان میں نہیں دکھا پائیں گے۔

وفاقی کابینہ کے اجلاس کے بعد میڈیا کو بریفنگ دیتے ہوئے فواد چوہدری نے بتایا کہ سرکاری ٹی وی کی بھارتی کمپنی کے ساتھ معاہدے کی درخواست کو منظور نہیں کیا گیا ہے، ہم کسی بھی بھارتی کمپنی کے ساتھ معاہدہ نہیں کرسکتے۔

انھوں نے مزید کہا کہ بھارت کے ساتھ ہمارے تعلقات کا انحصار 5 اگست کے بھارتی اقدامات کی واپسی پر ہے۔

وفاقی وزیر نے یہ بھی کہا کہ جب تک بھارت پانچ اگست کے اقدامات واپس نہیں لیتا اس سے تعلقات بحال نہیں ہوسکتے۔

انھوں نے بتایا کہ بھارتی کمپنی سے کاروبارنہ کرنے کے نتیجے میں پاکستان اور انگلینڈ کے درمیان رواں ماہ سے شروع ہونے والی کرکٹ سیریز بھی پاکستان میں نہیں دکھا پائیں گے۔

ان کا کہنا تھا کہ مستقبل کی کرکٹ کے ٹورنامنٹ دکھانے کے لیے مشکلات پیش ہیں، یہ ایک بحران ہے، کرکٹ دیکھنا بھی ضروری ہے لیکن یہ ایک چیلنج ہے۔

انھوں نے یہ بھی بتایا کہ متبادل ذرائع کے لیے منصوبہ بندی کی کوشش کریں گے۔

قومی خبریں سے مزید

Original Article

Leave a Reply

Your email address will not be published. Required fields are marked *