پاکستان: 24 گھنٹوں میں کورونا وائرس سے 34 اموات

پاکستان میں کورونا وائرس کے کیسز اور اس سے اموات میں کمی کے بعد اب کورونا کیسز میں اضافہ ہو رہا ہے۔

ملک میں کورونا وائرس سے شفایاب ہونے والوں میں بھی اضافہ ہو رہا ہے جبکہ کورونا مریضوں کی تعداد کے حوالے سے ممالک کی فہرست میں پاکستان 28 ویں نمبر پر آ چکا ہے۔

Table of Contents

x
Advertisement

نیشنل کمانڈ اینڈ آپریشن سینٹر کا کہنا ہے کہ گزشتہ روز ملک بھر میں کورونا وائرس کے 36 ہزار 686 ٹیسٹ کیئے گئے، جبکہ اب تک کُل 48 لاکھ 10 ہزار 182 کورونا ٹیسٹ کیئے جا چکے ہیں۔

گزشتہ 24 گھنٹوں کے دوران کورونا وائرس کے مزید 1 ہزار 808 کیسز سامنے آئے ہیں، مزید 34 افراد اس موذی وباء کے سامنے زندگی کی بازی ہار گئے جبکہ 784 مریض اس بیماری سے شفایاب ہو گئے۔

پاکستان میں کورونا وائرس کے کیسز کی تعداد 3 لاکھ 49 ہزار 992 ہو چکی ہے، جبکہ اس موذی وباء سے جاں بحق افراد کی کُل تعداد 7 ہزار 55 تک جا پہنچی ہے۔

کورونا وائرس کے ملک بھر میں 22 ہزار 88 مریض اب بھی اسپتالوں، قرنطینہ مراکز اور گھروں میں آئسولیشن میں ہیں، جن میں سے 1 ہزار 164 کی حالت تشویش ناک ہے جبکہ 3 لاکھ 20 ہزار 849 مریض اس بیماری سے صحت یاب ہو چکے ہیں۔

این سی او سی کے مطابق ملک بھر کے 736 اسپتالوں میں کورونا وائرس کے1 ہزار 296 مریض زیرِعلاج ہیں۔

سندھ میں کورونا وائرس کے مریضوں کی تعداد دوسرے صوبوں سے زیادہ 1 لاکھ 52 ہزار 72 ہو چکی ہے، جبکہ یہاں اس موذی وائرس سے اموات بھی دیگر صوبوں سے بڑھ کر 2 ہزار 704 ہو گئیں۔

پنجاب میں کورونا وائرس کے اب تک 1 لاکھ 8 ہزار 221 مریض سامنے آئے ہیں جبکہ اس سے ہلاکتیں 2 ہزار 438 ہو گئیں۔

خیبر پختون خوا میں کورونا وائرس کے مریضوں کی تعداد 41 ہزار 258 ہو چکی ہے جبکہ اس سے اموات 1 ہزار 302 ہو گئیں۔

یہ بھی پڑھیے