Categories
Breaking news

پاکستان: کورونا وائرس کے ایکٹیو کیسز میں اضافہ

—فائل فوٹو
—فائل فوٹو

ملک بھر میں اسپتالوں، قرنطینہ سینٹرز، وینٹی لیٹرز اور گھروں میں زیرِ علاج کورونا وائرس کے مریضوں کی تعداد 10 ہزار 65 ہو گئی۔

پاکستان میں کورونا وائرس کی چوتھی لہر کی شدت کم ہو رہی ہے، اس کے کیسز کے بعد اب اموات میں بھی کمی آ رہی ہے، ملک کورونا مریضوں کے حوالے سے مرتب کی گئی فہرست میں 36 ویں نمبر پر آگیا۔

نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 348 کیسز سامنے آئے ہیں، مزید 6 افراد اس موذی وباء کے سامنے زندگی کی بازی ہار گئے، اس کے مزید 192 مریض شفایاب ہو گئے، جبکہ مثبت کیسز کی شرح 0 اعشاریہ 87 فیصد پر آ گئی۔

پاکستان بھر میں اب تک 28 ہزار 918 کورونا وائرس کے مریض انتقال کر چکے ہیں جبکہ اس موذی وائرس کے کُل مریضوں کی تعداد 12 لاکھ 94 ہزار 379 ہو چکی ہے۔

ملک بھر میں اسپتالوں، قرنطینہ سینٹرز، وینٹی لیٹرز اور گھروں میں زیرِ علاج کورونا وائرس کے مریضوں کی تعداد 10 ہزار 65 ہو گئی، جن میں سے 636 مریضوں کی حالت تشویش ناک ہے، جبکہ 12 لاکھ 55 ہزار 396 مریض اب تک اس بیماری سے شفایاب ہو چکے ہیں۔

پاکستان: فروری میں پانچویں کورونا لہر کا خدشہ

ماہرینِ صحت نے خدشہ ظاہر کیا ہے کہ پاکستان میں اومی کرون کے کیسز کی وجہ سے فروری 2022ء میں کورونا وائرس کی وباء کی پانچویں لہر آ سکتی ہے۔

گزشتہ 24 گھنٹوں میں ملک میں کورونا وائرس کے مزید 39 ہزار 739 ٹیسٹ کیئے گئے، جبکہ اب تک کُل 2 کروڑ 32 لاکھ 73 ہزار 887 کورونا ٹیسٹ کیئے جا چکے ہیں۔

پاکستان بھر میں گزشتہ 24 گھنٹوں کے دوران 13 لاکھ 58 ہزار 181 افراد کو کورونا وائرس کی ویکسین دی گئی، اب تک کُل 15 کروڑ 19 لاکھ 51 ہزار 87 کورونا ویکسین کی خوراکیں دی جا چکی ہیں جبکہ 6 کروڑ 75 لاکھ 6 ہزار 239 افراد کی مکمل ویکسینیشن ہو چکی ہے۔

سندھ میں کورونا وائرس کے مریضوں کی تعداد دیگر صوبوں سے زیادہ 4 لاکھ 81 ہزار 96 ہو چکی ہے، جبکہ اس سے کُل اموات 7 ہزار 666 ہو گئیں۔

پنجاب میں کورونا وائرس کے اب تک 4 لاکھ 44 ہزار 752 مریض پورٹ ہوئے ہیں، جبکہ یہاں کُل ہلاکتیں دیگر صوبوں سے زیادہ ہیں جو 13 ہزار 66 ہو چکی ہیں۔

خیبر پختون خوا میں کورونا وائرس کے مریضوں کی تعداد 1 لاکھ 81 ہزار 285 ہو چکی ہے، جبکہ اس سے یہاں کُل اموات 5 ہزار 924 ہو گئیں۔

یہ بھی پڑھیے

وفاقی دارالحکومت اسلام آباد میں 1 لاکھ 8 ہزار 534 کورونا وائرس سے متاثرہ مریض اب تک سامنے آئے ہیں، جبکہ اب تک یہاں کُل 967 افراد اس وباء سے جان کی بازی ہار چکے ہیں۔

آزاد جموں و کشمیر میں کورونا وائرس کے اب تک 34 ہزار 657 مریض رپورٹ ہوئے ہیں، جبکہ اس کے باعث اب تک یہاں کُل 746 مریض وفات پا چکے ہیں۔

کورونا وائرس کے بلوچستان میں 33 ہزار 626 مریض اب تک رپورٹ ہوئے ہیں جہاں 363 افراد اس مرض سے انتقال کر چکے ہیں۔

گِلگت بلتستان میں 10 ہزار 429 کورونا وائرس کے مریض سامنے آئے ہیں جبکہ اس سے اب تک 186 افراد جاں بحق ہوئے ہیں۔

قومی خبریں سے مزید

Original Article

Leave a Reply

Your email address will not be published.