پاکستان: کورونا وائرس سے مزید 72 اموات

پاکستان میں کورونا وائرس کی دوسری لہر جاری ہے، یہاں کورونا وائرس کے کیسز اور اس سے اموات میں کمی کے بعد اب ان میں تیزی سے اضافہ ہو رہا ہے۔

کورونا مریضوں کی تعداد کے حوالے سے مرتب کی گئی فہرست میں پاکستان 29 ویں نمبر پر ہے۔

Table of Contents

x
Advertisement

نیشنل کمانڈ اینڈ آپریشن سینٹر (این سی او سی) کا کہنا ہے کہ گزشتہ روز ملک بھر میں کورونا وائرس کے 34 ہزار 551 ٹیسٹ کیئے گئے، مثبت کیسز کی شرح 7 اعشاریہ 1 فی صد رہی جبکہ اب تک کُل 60 لاکھ 98 ہزار 771 ٹیسٹ کیئے جا چکے ہیں۔

ملک بھر میں گزشتہ 24 گھنٹوں کے دوران کورونا وائرس کے مزید 2 ہزار 459 کیسز سامنے آئے ہیں، جبکہ مزید 73 افراد اس موذی وباء کے سامنے زندگی کی بازی ہار گئے۔

پاکستان میں کورونا وائرس کے کیسز کی کُل تعداد 4 لاکھ 43 ہزار 246 ہو چکی ہے، جبکہ اس موذی وباء سے جاں بحق افراد کی کُل تعداد 8 ہزار 905 تک جا پہنچی ہے۔

کورونا وائرس کے ملک بھر میں 48 ہزار 8 مریض اسپتالوں، قرنطینہ مراکز اور گھروں میں آئسولیشن میں ہیں۔

یہ بھی پڑھیے

پنجاب میں کورونا وائرس سے گزشتہ روز مزید 57 افراد انتقال کر گئے جس کے بعد صوبے میں کل اموات کی تعداد 3 ہزار 422 ہو گئی۔

سندھ میں کورونا وائرس سے گزشتہ روز مزید 6 افراد انتقال کر گئے جس کے بعد صوبے میں کُل اموات کی تعداد 3 ہزار 164 ہو گئی۔

اسلام آباد میں کورونا وائرس سے گزشتہ روز مزید 6 افراد انتقال کر گئے جس کے بعد وفاقی دارالحکومت میں کُل اموات کی تعداد 377 ہو گئی۔