Categories
Breaking news

پاکستان نے بھارتی وزیراعظم کا مقبوضہ کشمیر میں جمہوریت کا دعویٰ مسترد کردیا

پاکستان نے  بھارتی وزیراعظم کا مقبوضہ کشمیر میں جمہوریت کا دعویٰ مسترد کردیا

Advertisement

پاکستان نے بھارتی وزیر اعظم نریندر مودی کا مقبوضہ کشمیر میں جمہوریت کا دعویٰ مسترد کردیا۔

ترجمان دفتر خارجہ نے بھارتی وزیراعظم کے مقبوضہ جموں و کشمیر میں جمہوریت کے دعوے کو بے بنیاد اور جھوٹ پر مبنی قرار دیا۔

Table of Contents

x
Advertisement

ترجمان نے مزید کہا کہ پاکستان مقبوضہ کشمیر میں ڈسٹرکٹ ڈیولپمنٹ کونسل (ڈی ڈی سی) کے نام نہاد انتخابات پر جمہوریت کا دعویٰ مسترد کرتا ہے۔

یہ بھی پڑھیے

انہوں نے کہا کہ بھارتیہ جنتا پارٹی (بی جے پی) کی نام نہاد جمہوریت صرف بندوق کے زور پر کشمیریوں کی آواز دبانےکے لئے ہے۔

دفترخارجہ نے بیان میں یہ بھی کہا کہ 5 اگست 2019ء سے محاصرے کے ذریعے کشمیریوں کو بنیادی حقوق سے محروم رکھا گیا ہے۔

ان کا کہنا تھا کہ بھارتی قیادت کے جھوٹے دعوے مقبوضہ کشمیر کے عوام کی آواز نہیں دبا سکتے اور مقبوضہ وادی سے عالمی برادری کی توجہ نہیں ہٹا سکتے ہیں۔

ترجمان دفترخارجہ کے مطابق بھارت معاملات کو الجھانے کی بجائے مقبوضہ کشمیر سے غیر قانونی قبضہ ختم کرے اور وہاں کے عوام کو اقوام متحدہ کی قراردادوں کے مطابق حق رائے دہی دیا جائے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *