Categories
Breaking news

ٹی 20 سیریز کے لیے جنوبی افریقی اسکواڈ میں کون سے اہم کھلاڑی شامل؟ ناموں کا اعلان کر دیا

Advertisement

جنوبی افریقہ نے پاکستان کے خلاف ٹی20 سیریز کے لیے اپنے اسکواڈ کا اعلان کردیا

جنوبی افریقہ نے پاکستان کے خلاف ٹی20 سیریز کے لیے اپنے اسکواڈ کا اعلان کردیا جس کی قیادت ہنری کلاسن کریں گے اور اہم تجربہ کار کھلاڑی اسکواڈ کا حصہ نہیں ہوں گے۔

تین ٹی20 میچوں کی سیریز جنوبی افریقہ نے 18 رکنی اسکواڈ کا اعلان کیا ہے جس میں ٹیسٹ سیریز کھیلنے کے لیے اس وقت پاکستان میں موجود اسکواڈ کے صرف 4 کھلاڑی تبریز شمسی، ڈیوین پریٹوریس، جیورج لنڈے اور لوتھو سپاملا شامل ہیں۔

یہ ٹی20 سیریز 11 سے 14 فروری تک کھیلی جائے گی جس میں جنوبی افریقہ کو اہم تجربہ کار کھلاڑیوں راسی وین ڈر دوسن، کگیسو ربادا، نگی نگیدی، کوئنٹن ڈی کوک، فاف ڈیو پلیسی اور اینرچ نورجے کی خدمات حاصل نہیں ہوں گی کیونکہ یہ تمام کھلاڑی وطن واپس لوٹ کر آسٹریلیا کے خلاف ہوم سیریز کی تیاری کریں گے۔

کرکٹ جنوبی افریقہ کے ڈائریکٹر گریم اسمتھ نے کہا کہ کھلاڑیوں کی سلیکشن کورونا وائرس کے سبب درپیش مشکلات کی عکاسی کرتی ہیں۔

انہوں نے کہا کہ ہمیں ٹی20 سیریز دلچسپ بنانے کے ساتھ ساتھ آسٹریلیا سے ہوم گراؤنڈ پر ٹیسٹ سیریز کی تیاریاں یقینی بنانے کے لیے کچھ مختلف سوچنا ہو گا۔

Advertisement

ان کا کہنا تھا کہ یہ اقدامات اس بات کی مثال ہیں کہ کرکٹ کھیلنے والے کچھ ملک ان تدابیر کی بدولت تین سے چار ماہ کے عرصے میں کورونا وائرسک کی مشکلات کے باوجود ایک سے زائد دوروں کو یقینی بنا سکتے ہیں۔

جنوبی افریقہ نے ٹی20 سیریز کے لیے بلے بازوں ریان ریکلٹن اور جیکس سنیمن کے ساتھ ساتھ باؤلرز اکھولے سیلے اور نیندرے برگر کو پہلی مرتبہ ٹیم میں شامل کر لیا ہے۔

سیریز کے تینوں ٹی20 میچ 11، 13 اور 14 فروری کو لاہور میں کھیلے جائیں گے۔

سیریز کے لیے جنوبی افریقہ کا ٹی20 اسکواڈ ان کھلاڑیوں پر مشتمل ہو گا۔

ہنری کلاسن، نیندرے برگر، اکھولے سیلے، جونیئر ڈالا، بی جورن فورٹین، ریزا ہینڈرکس، جیورج لنڈے، جینمن ملان، ڈیوڈ ملر، ایندائل فلکوایو، ڈیوین پریٹوریس، ریان ریکلٹن، تبریز شمسی، لوتھو سیپاملا، جو جون اسمٹس، جیکس سنیمن، گیلینٹن ستورمین اور پیٹ وین بلجون۔

Advertisement

Leave a Reply

Your email address will not be published. Required fields are marked *