Categories
Breaking news

ٹرینوں کی رفتار کم کرنے کے احکامات، کراچی آنے جانے کے سفر میں دو گھنٹے اضافہ

ٹرینوں کی رفتار کم کرنے کے احکامات، کراچی آنے جانے کے سفر میں دو گھنٹے اضافہ

پاکستان ریلوے کے ٹریک کے 46 مقامات پر انتہائی حساس قرار دے دیا گیا ہے، جس کی وجہ سے ٹرینوں کی رفتار کم کی کرنے کے احکامات جاری کئے گئے ہیں۔

پاکستان ریلوے حکام کے مطابق سکھر ڈویژن کے 46 مقامات پر ریلوے لائن کی حالت خراب ہے، جس کے باعث حساس مقامات پر مسافر ٹرینوں کی رفتار کم کرکے 10سے 80 کلو میٹر فی گھنٹہ تک کردی گئی، جس سے دونوں اطراف سفر کا دورانیہ بھی 2 گھنٹے طویل ہوگیا۔

ریلوے حکام کی رپورٹ کے مطابق کراچی سے پنجاب جانے والے اپ ٹریک پر ٹنڈو آدم سے خانپور تک 456 کلومیٹر میں سے 153 کلومیٹر ٹریک بری طرح خراب ہے، جہاں 21 مقامات کو انتہائی حساس قرار دیا گیا ہے۔

اسی طرح پنجاب سے کراچی جانے والے ڈاؤن ٹریک پر خانپور سے ٹنڈو آدم تک ڈاؤن ٹریک میں 181 کلو میٹر ٹریک شدید متاثر ہے، جہاں 25 مقامات حساس ترین ہیں۔

دونوں ٹریک کے حساس مقامات پر مسافر ٹرینوں کی رفتار 105 کلو میٹر فی گھنٹہ سے کم کرکے 10 سے 80 کلو میٹر فی گھنٹہ تک کی گئی ہے جس سے دونوں اطراف سفر کا دورانیہ بھی 2 گھنٹے طویل ہوگیا ہے۔

قومی خبریں سے مزید

Original Article

Leave a Reply

Your email address will not be published. Required fields are marked *