مسلم لیگ نون نے سینیٹ انتخابات 2018 ء میں پیسے کی تقسیم سے متعلق ویڈیو اسکینڈل کی تحقیقات کیلئے درخواست الیکشن کمیشن میں جمع کرا دی۔

وکیل مسلم لیگ نون جہانگیر جدون نے ویڈیو اسکینڈل سےمتعلق الیکشن کمیشن میں جمع کرائی گئی درخواست میں پی ٹی آئی چیئرمین عمران خان ، سابق وزیر اعلیٰ خیبر پختونخوا پرویز خٹک ، اسپیکر خیبر پختونخوا اسمبلی سمیت ڈی جی ایف آئی اے اور پیمرا کو بھی فریق بنایا گیا ہے۔

Table of Contents

x
Advertisement

درخواست میں کہا گیا ہے کہ آئین کے تحت الیکشن کمیشن انتخابات کو شفاف، آزادانہ بنانے کا ذمہ دار ہے، الیکشن کمیشن کو اختیار ہے کہ کسی بھی ایجنسی سے تحقیقات کراسکتا ہے۔

یہ بھی پڑھیے

جہانگیر جدون کی جانب سے دائر درخواست میں کہا گیا ہے کہ پی ٹی آئی ایم پی ایز جن پر پیسے لینے کا الزام لگا رہے ہیں وہ تحقیقات نہیں کرسکتے۔

درخواست میں استدعا کی گئی ہے کہ الیکشن کمیشن ویڈیو اسکینڈل کی شفاف تحقیقات اور ملوث افراد کے خلاف کارروائی کرے۔

قومی خبریں سے مزید