وہ دوبارہ مجھے مارنے کی کوشش کر سکتے ہیں، عمران خان

عمران خان کا قاتلانہ حملے کے بعد فرانسیسی میڈیا کو انٹرویو، فوٹو اسکرین گریب

چیئرمین پاکستان تحریکِ انصاف عمران خان نے کہا ہے کہ ’میری جان کو اب بھی خطرہ ہے، وہ لوگ دوبارہ بھی مجھے مارنے کی کوشش کر سکتے ہیں‘۔

عمران خان نے فرانسیسی نیوز چینل کو انٹرویو دیتے ہوئے کہا کہ ’وہ مجھے ختم کرنا چاہتے ہیں کیونکہ میری پارٹی پاکستان کی سب سے مقبول ترین سیاسی جماعت ہے اور مجھے بڑے پیمانے پر عوامی حمایت حاصل ہے‘۔

اُنہوں نے مزید کہا کہ ’مجھے راستے سے ہٹانے کا واحد طریقہ مجھےمارنا ہے لہٰذا خطرہ ابھی بھی موجود ہے‘۔

عمران خان نے کہا کہ ’اس سازش کا تو میں نے حملے سے 6 ہفتے قبل ہی ایک جلسے میں بتا دیا تھا اور یہ بھی کہا تھا کہ اس حملے کو مذہبی رنگ دیا جائے گا‘۔

اُنہوں نے کہا کہ ’آزادانہ تحقیقات ہوں گی تو ثابت ہو جائے گا کہ یہ سب ایک منصوبہ بندی کے تحت کیا گیا‘۔

اُنہوں نے مزید کہا کہ ’چیف جسٹس سے درخواست کی ہے کہ اس معاملے کی آزادانہ تحقیقات کی جائیں‘۔

عمران خان نے دعویٰ کیا کہ’آزادانہ تحقیقات میں یہ بھی ثابت ہو جائے گا کہ میرے قتل کا سب سے زیادہ فائدہ موجودہ حکومت کو ہونا تھا‘۔

اُنہوں نے کہا کہ ’لانگ مارچ میں شامل ہونےکے بعد مزید احتیاطی تدابیر اختیار کریں گے، موت کا خوف مجھے قانون کی حکمرانی کے لیے لڑنے کے مشن سے نہیں روک سکتا‘۔

اُنہوں نے مزید کہا کہ’ملک میں ایسے سیاسی مافیاز موجود ہیں جو قانون سے بالاتر ہیں‘۔

چیئرمین تحریکِ انصاف نے اپنے پرانے مؤقف پر قائم رہتے ہوئے کہا کہ’سائفر اور امریکی سازش پر میں نےکہا تھا کہ وہ سازش پیچھے رہ گئی ہے، میری حکومت امریکا نےگرائی، اسے عوامی مفاد کے راستے میں نہیں آنا چاہیئے تھا‘۔

اُنہوں نے کہا کہ’پاکستانی عوام کا مفاد تمام ممالک اور خاص طور پر سپر پاور امریکا سےاچھے تعلقات میں ہے‘۔

اُنہوں نے مزید کہا کہ ’ہم نے ضمنی انتخابات میں کلین سوئپ کیا ہے کیونکہ لوگ ان مجرموں کو اب اقتدار میں نہیں دیکھنا چاہتے‘۔

قومی خبریں سے مزید

Original Article

کابینہ میں بتایا تھا شہزاد اکبر ملک سے چلے جائینگے: فیصل واؤڈا

حنا ربانی کھر نے سائفر سے متعلق اعتراف کیا ہے، شیریں مزاری

اسلام آباد کی احتساب عدالتوں میں ہائی پروفائل کیسز کے التواء کا خدشہ

خرابی نیب قانون میں نہیں اس کے غلط استعمال میں ہے: چیف جسٹس

فیصل واوڈا نیب راولپنڈی پہنچ گئے

خوشاب: پی ٹی آئی کا حقیقی آزادی مارچ ، اسد عمر اسٹیج پر گر گئے

عمران خان بری طرح بے نقاب ہوچکے ہیں، شیری رحمٰن

سانحۂ ماڈل ٹاؤن کیس، ملوث پولیس افسران کی تنزلی کا نوٹیفکیشن کالعدم

پی ٹی آئی کارکن مردان سے پیدل زمان پارک پہنچ گیا

مبینہ بیٹی ظاہر نہ کرنے پر عمران خان کی نااہلی کیلئے درخواست پر سماعت ملتوی

اسلام آباد ہائیکورٹ کی نئی انتظامی کمیٹی قائم

آئیڈیاز 2022ء: پاک فضائیہ کے طیارے توجہ کا مرکز بن گئے

مجھے قتل کی دھمکیاں مل رہی تھیں، شیخ رشید

سعد رفیق نے ملکی موجودہ سیاسی صورتحال پر مزاحیہ ویڈیو شیئر کردی

عمران خان کی زیرِ صدارت مشاورتی اجلاس کی اندرونی کہانی

کورونا سے کئی روز بعد 1 شخص کا انتقال