Categories
Breaking news

وڈیو اسکینڈل معاملے کی ہر سطح سے تحقیقات کا فیصلہ

Advertisement
 وڈیو اسکینڈل معاملے کی ہر سطح سے تحقیقات کا فیصلہ

ویڈیو اسکینڈل کی تحقیقات کے لیے وزراء کمیٹی کی پہلی بیٹھک لگ گئی، کمیٹی نے ویڈیو ریلیز کرنے والے صحافی کو بھی طلب کرنے کا فیصلہ کیا ہے، جبکہ معاملے کی ہر سطح پر تحقیقات کروانے کا فیصلہ بھی کیا گیا ہے۔

وڈیو اسکینڈل کی تحقیقات کرنے والی وزراء کمیٹی کا پہلا اجلاس ہوا، اجلاس میں فواد چودھری، شیریں مزاری اور شہزاد اکبر نے شرکت کی۔

آج ہونے والے اجلاس میں طریقہ کار طے کرلیا گیا۔

کمیٹی نے طے کیا کہ لیک ویڈیو کا بھی فرانزک ہوگا، رقم بانٹنے کی ویڈیو کے بارے میں براہِ راست معلومات رکھنے والوں سے بھی تعاون کی اپیل کی گئی ہے۔

کمیٹی چھان بین کرے گی کہ ووٹوں کی خریداری کا فائدہ کس نے اٹھایا، ایم پی ایز کے ووٹوں کی خریداری کے لیے رقم کس نے مہیا کی۔

کمیٹی نے ایک ماہ میں وزیراعظم عمران خان کو رپورٹ پیش کرنی ہے، جس میں ذمہ داروں کے خلاف کارروائی کی سفارش کی جائے گی۔

ذرائع کا کہنا ہے کہ کمیٹی سفارشات پر الیکشن کمیشن سے رجوع کرنے سمیت فوجداری مقدمات درج ہوسکیں گے۔

ایم پی ایز سے رقم لینے کی ویڈیو سمیت دیگر شواہد کا جائزہ لیا جائے گا، کمیٹی ایف آئی اے، آئی بی اور اینٹی کرپشن کی معاونت لے گی۔

Table of Contents

x
Advertisement

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *