Categories
Breaking news

وفاقی کابینہ کے اجلاس میں تین وزرا کے درمیان تلخ جملوں کا تبادلہ

Advertisement
Advertisement

وفاقی کابینہ کے اجلاس میں تین وزرا کے درمیان تلخ جملوں کا تبادلہ

وزیراعظم عمران خان کی زیر صدارت ہونے والے وفاقی کابینہ کے اجلاس میں تین وزرا کے درمیان تلخ جملوں کا تبادلہ ہوا ہے۔

وفاقی کابینہ کے اجلاس میں وزرا کے درمیان ہونے والے تلخ جملوں کے تبادلوں کو رکوانے کے لیے وزیراعظم عمران خان کو باقاعدہ مداخلت کرنا پڑی ہے۔

اس ضمن میں ذمہ دار ذرائع نے اجلاس کی اندرونی کہانی کے حوالے سے بتایا ہے کہ وزرا کے درمیان ہونے والی روایتی نوک جھونک باقاعدہ تلخ جملوں میں تبدیل ہو گئی تھی۔

ذرائع کے مطابق وفاقی وزیر شیریں مزاری نے اسد عمر سے شکوہ کیا کہ آپ ہمیں پورا ایجنڈا نہیں پڑھنے دیتے ہیں۔

ذرائع کے مطابق وفاقی وزیر برائے منصوبہ بندی اسد عمر کا اس موقع پروفاقی وزیر برائے انسانی حقوق شیریں مزاری سے تلخ جملوں کا تبادلہ ہوا۔

ذرائع نے بتایا ہے کہ اسی دوران وفاقی وزیر اسدعمر نے وزیراعظم کے مشیر ندیم بابر کو بھی سنا دیں۔

انتہائی ذمہ دار ذرائع کے مطابق اسد عمر نے وزیراعظم کے مشیر پر الزام عائد کیا کہ آپ پیٹرولیم مصنوعات اور گیس کے معاملے میں غلط بیانی سے کام لیتے ہیں۔

ذرائع کے مطابق ’جواب آں غزل‘ کے طور پر وزیراعظم کے مشیر ندیم بابرنے وفاقی وزیر اسد عمر پر الزام عائد کیا کہ میں نہیں، آپ غلط بیانی سے کام لیتے ہیں۔

ذرائع نے بتایا ہے کہ وزیراعظم عمران خان اور کابینہ اراکین نے دونوں کو خاموش کرایا۔

Advertisement

Leave a Reply

Your email address will not be published. Required fields are marked *