Categories
Breaking news

وفاقی حکومت نے 5 نئے وفاق المدارس کے قیام کی منظوری دے دی

Advertisement
Advertisement

وفاقی حکومت نے 5 نئے وفاق المدارس کے قیام کی منظوری دے دی

اسلام آباد (ڈیلی پاکستان آن لائن) وفاقی حکومت نے علما کا دیرینہ مطالبہ پورا کرتے ہوئے پانچ نئے وفاق المدارس کے قیام کی منظوری دے دی۔

وزارت تعلیم نے ہائر ایجوکیشن کمیشن سے منظوری کے بعد پانچ نئے وفاق المدارس کے قیام کا نوٹیفکیشن جاری کردیا ہے۔ وزارت تعلیم کی جانب سے ہونے والی تقریب میں وزیر تعلیم شفقت محمود نے بورڈ کی اسناد تقسیم کیں ، اس موقع پر وفاقی وزیر برائے مذہبی امور پیر نورالحق قادری سمیت مختلف مسالک کے 70 علما موجود تھے۔ وفاقی وزیر تعلیم شفقت محمود نے مدارس کے بورڈز کیلئے16 رجسٹرڈ دفاتر قائم کرنے کا اعلان بھی کیا۔

صدارتی ریفرنس سے متعلق سپریم کورٹ کا فیصلہ بہت اہم ہوگا، کنور دلشاد

وفاقی حکومت کی جانب سے اتحاد مدارس العربیہ پاکستان (دیوبند) کو بورڈ کا درجہ دے دیا گیا ہے۔ اس کے علاوہ اتحاد مدارس الاسلامیہ پاکستان (اہلحدیث)، نظام المدارس پاکستان (بریلوی منہاج القران)، مجمع المدارس تعلیم الکتاب والحکمت (اہل تشیع) اوروفاق المدارس الاسلامیہ الرضویہ پاکستان (بریلوی) کو بورڈ کا درجہ دیا گیا ہے۔

نئے بورڈز کے قیام کی منظوری کے حوالے سے وزیر اعظم کے معاون خصوصی برائے مذہبی ہم آہنگی و مشرق وسطیٰ علامہ طاہر محمود اشرفی نے کہا کہ نئے بورڈز کا ہر سطح پر خیر مقدم کیا جائے گا، مدراس کی تعلیم میں کوئی مداخلت نہیں ہوگی اور نہ ہی نصاب میں کوئی تبدیلی کی جائے گی، نئے بورڈز کے قیام سے تعلیم کے میدان میں بہتری کا موقع ملے گا۔

پی ایس ایل 6 کا ترانہ ، نصیبو لال کی آنکھوں سے آنسو چھلک پڑے

مزید :

Breaking Newsاہم خبریںقومی

Original Article

Advertisement

Leave a Reply

Your email address will not be published. Required fields are marked *