وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا۔
یہ بات وفاقی وزیرِ اطلاعات و نشریات فواد چوہدری نے سماجی رابطے کی ویب سائٹ ٹوئٹر پر جاری کیے گئے ایک بیان میں بتائی ہے۔
فواد چوہدری کے مطابق نئے گورنر پنجاب کا اعلان بعد میں کیا جائے گا۔
وفاقی وزیرِ اطلاعات و نشریات کا یہ بھی کہنا ہے کہ آئین کے مطابق ڈپٹی اسپیکر پنجاب اسمبلی دوست محمد مزاری قائم مقام گورنر پنجاب ہوں گے۔
ڈپٹی اسپیکر قائم مقام گورنر بن گئے
دوسری جانب گورنر پنجاب چوہدری سرور کی برطرفی کے بعد اختیارات ڈپٹی اسپیکر پنجاب اسمبلی دوست محمد مزاری کو منتقل کر دیے گئے۔
اختیارات کی منتقلی کے بعد ڈپٹی اسپیکر دوست محمد مزاری قائم مقام گورنر پنجاب بن گئے۔
اب پنجاب اسمبلی کے اجلاس کی صدارت ڈپٹی اسپیکر کے بجائے پینل آف چیئرمین کریں گے۔
گورنر کو پرویز الہٰی کے کہنے پر برطرف کیا گیا
ذرائع نے دعویٰ کیا ہے کہ گورنر پنجاب چوہدری سرور کو چوہدری پرویز الہٰی کے کہنے پر برطرف کیا گیا ہے۔
حکومتی ذرائع کا کہنا ہے کہ چوہدری سرور وزارتِ اعلیٰ کے منصب کے لیے چوہدری پرویز الہٰی کی مخالفت کر رہے تھے۔
’’چوہدری سرور حمزہ شہباز کیلئے مہم چلا رہے تھے‘‘
یہ بھی پڑھیے
- وزیراعلیٰ پنجاب کےانتخاب، پی ٹی آئی،ن لیگ کےمنحرف ارکان کا کردار کلیدی
- تخت پنجاب کیلئے آج حمزہ شہباز اور پرویزالٰہی میں مقابلہ
- ترین گروپ تقسیم، مونس الٰہی 3 رہنما کو لیکر پنجاب اسمبلی پہنچ گئے
حکومتی ذرائع نے بتایا ہے کہ چوہدری سرور حمزہ شہباز کے لیے مہم چلا رہے تھے۔
پرویز الہٰی نے وزیرِ اعظم عمران خان کو ٹیلی فون کر کے اس بات کی شکایت کی۔
وزیرِ اعظم عمران خان نے معاملے کا نوٹس لیتے ہوئے صدرِ مملکت عارف علوی کو گورنر پنجاب چوہدری سرور کی برطرفی کے لیے ایڈوائس دی۔
گورنر سے متعلق فیصلہ وفاقی حکومت کا ہے: راجہ بشارت
سابق وزیرِ قانون پنجاب راجہ بشارت پنجاب اسمبلی پہنچ گئے۔
اس موقع پر میڈیا سے گفتگو کرتے ہوئے انہوں نے کہا کہ گورنر سے متعلق وفاقی حکومت کا فیصلہ ہے، جس کی تفصیلات معلوم نہیں۔
چوہدری سرور نے بزدار کا استعفیٰ منظور کیا
یاد رہے کہ ایک روز قبل وزیرِ اعظم عمران خان سے مشاورت کے بعد گورنر پنجاب چوہدری سرور نے عثمان بزدار کا پنجاب کی وزارتِ اعلیٰ سے استعفیٰ منظور کیا تھا۔
قومی خبریں سے مزید
-
Table of Contents
گورنر پنجاب کس کے کہنے پر برطرف ہوئے ؟
ذرائع کا کہنا ہے کہ گورنر پنجاب کو چوہدری پرویز الہیٰ کے کہنے پر برطرف کیا گیا ہے۔
-
کسی بھی پارلیمنٹیرین کو روکنے کی ہدایات نہیں ملیں، اسلام آباد پولیس
ترجمان اسلام آباد پولیس کا کہنا ہے کہ صرف قانون کی حکمرانی پریقین رکھتے ہیں، کسی بھی پارلیمنٹیرین کو روکنے کی ہدایات نہیں ملیں۔
-
کراچی، چار مینار چورنگی پر PTIکا دھرنا سحری سے قبل ختم
وزیر اعظم عمران خان کی کال پر پاکستان تحریک انصاف نے چار مینار چورنگی پہ احتجاجی دھرنا دیا، مظاہرین احتجاج میں لوٹے بھی ساتھ لائے اور اپنے منحرف ارکان اور اپوزیشن کے خلاف شدید نعرے بازی کی۔
-
پنجاب اسمبلی کا ون پوائنٹ ایجنڈا، وزیرِ اعلیٰ کا انتخاب
پنجاب اسمبلی کا اجلاس آج 11 بجے دن ہونے جا رہا ہے جس کا ون پوائنٹ ایجنڈا وزیراعلیٰ کا انتخاب ہے۔
-
عدم اعتماد، قومی اسمبلی اجلاس میں شرکت کیلئے ارکان پارلیمنٹ لاجز سے پیدل روانہ
وزیرِ اعظم عمران خان کے خلاف تحریکِ عدم اعتماد کے حوالے سے قومی اسمبلی کا اہم اجلاس آج صبح ساڑھے 11 بجے ہو گا۔
-
سیاسی کشیدگی بڑھنے پر اسلام آباد کا ریڈ زون سیل
روڈ زون آنے جانے کےلیے صرف مارگلہ روڈ استعمال کیا جاسکتا ہے، ریڈزون میں دفعہ 144 نافذ کردیا گیا ہے۔
-
لندن میں (ن) لیگ کا مخالف شایان علی پھر سرگرم
سابق وزیراعظم نواز شریف دفتر سے باہر نکلے تو شایان علی غلیظ زبان استعمال کرتے ہوئے ان کی طرف بڑھا۔
-
وزیراعظم کی آج ملک گیر احتجاج کی کال
اس موقع پر وزیراعظم عمران خان نے اپوزیشن ارکان کے خلاف غداری کے مقدمے بنانے کا بھی اعلان بھی کیا۔ انہوں نے دعویٰ کیا کہ وہ اسمبلی میں اپوزیشن کو شکست دیں گے۔
-
منحرف ارکان کی تعداد 35 ہوگئی، رمیش کمار
انہوں نے کہا کہ پنجاب سے تعلق رکھنے والے تین وفاقی وزراء بھی ہمارے ساتھ شامل ہونا چاہتے ہیں۔
-
عمران خان وزیراعظم رہیں گے یا نہیں، فیصلہ آج
قومی اسمبلی کے اجلاس کا 6 نکاتی ایجنڈا جاری کردیا گیا ہے، اجلاس میں قائد حزب اختلاف شہبا زشریف کی جانب سے پیش کی گئی قرارداد پر ووٹنگ ہوگی۔
-
ترجمان وزیراعظم آفس کا عدم اعتماد سے متعلق خبروں پر بیان
ترجمان وزیراعظم آفس نے کہا ہے کہ عدم اعتماد سے متعلق ایک میڈیا چینل پر بےبنیاد خبریں چلائی جارہی ہیں۔
-
متحدہ اپوزیشن کا اجلاس آج صبح 10 بجے طلب
رپورٹس کے مطابق اپوزیشن کی جانب سے قومی اسمبلی اجلاس کی حکمت عملی طے کی جائے گی۔
-
حکومت نے آج ہلڑبازی کا منصوبہ بنایا ہے، سعد رفیق
خواجہ سعد رفیق کا کہنا تھا کہ ہم پنجاب میں 200 کا نمبر کراس کرگئے ہیں، عمران خان کے امیدوار کو کچھ سمجھ نہیں آرہا۔
-
پرویز الہٰی کو اکثریت سے کامیاب کروائیں گے، عثمان بزدار
تحریک انصاف اور مسلم لیگ (ق) کی صوبائی پارلیمانی پارٹی کا مشترکہ اجلاس ہوا جس میں ارکان اسمبلی کی بڑی تعداد موجود تھی۔
-
کراچی کے آسمان پر شہاب ثاقب گرنے کا نظارہ
ماہرین کا اس حوالے سے کہنا ہے کہ شہابی پتھر خلا سے زمین کی جانب تیز رفتاری سے آتے دیکھا گیا۔
-
تشدد کا سہارا لینے والے پی ٹی آئی کے افراد کو گرفتار کرنا چاہیے، مریم نواز
مریم نواز نے کہا کہ عمران خان جو کچھ آج کررہا ہےوہ ان کےخلاف چارج شیٹ ہے، چارج شیٹ میں اضافہ ہورہا ہے،فہرست طویل تر ہوتی جا رہی ہے۔