Categories
Breaking news

وزیر خارجہ بلاول بھٹو نے آئیڈیاز 2022 کا افتتاح کردیا

اسکرین گریب
اسکرین گریب

وزیرخارجہ بلاول بھٹو نے بین الاقوامی دفاعی نمائش آئیڈیاز 2022 کا افتتاح کردیا۔

بین الاقوامی دفاعی نمائش آئیڈیاز 2022 کی افتتاحی تقریب سے خطاب کرتے ہوئے بلاول بھٹو زرداری نے کہا کہ پاکستان ڈیفالٹ کے خطرے سے نکل چکا ہے، اتحادی حکومت ملک کو معاشی چیلنجز سے نکالنے کے لیے کام کر رہی ہے۔

انہوں نے کہا کہ اتحادی حکومت بہت سے چیلنجز سے نبرد آزما ہے۔

وزیرِ خارجہ کا کہنا ہے کہ ملک کو معاشی چیلنجز سے نکالنے کے لیے بھرپور کام کر رہے ہیں، خارجہ پالیسی کے تحت دوسرے ممالک سے تعلقات بہتر کر رہے ہیں۔

سندھ پولیس کی آئیڈیاز 2022ء میں پہلی بار شرکت

سندھ پولیس کا سیکیورٹی اینڈ ایمرجنسی سروسز ڈویژن کراچی کے ایکسپو سینٹر میں 15 سے 18 نومبر 2022ء تک آئیڈیاز 2022ء کے نام سے منعقد ہونے والی 11 ویں بین الاقوامی دفاعی نمائش اور سیمینار میں شرکت کر رہا ہے۔

بلاول بھٹو نے کہا کہ جدید ٹیکنالوجی اور مصنوعی ذہانت کا استعمال ترقی کی طرف بہت معاون ہے، پاکستان نے دنیا میں امن کے لیے کام کیا اور کرتا رہے گا۔

پیپلز پارٹی کے چیئرمین کا مزید کہنا ہے کہ مسئلہ کشمیرکا پرامن حل خطے کی بہتری کے لیے اہم ہے، آئیڈیاز 2022 کا انعقاد باہمی ہم آہنگی اور تعلقات کی بہتری میں معاون ثابت ہو گا۔

ان کا یہ بھی کہنا ہے کہ سیلاب کی وجہ سے لاکھوں لوگ متاثر ہوئے، موسمیاتی تبدیلی کے اثرات سے پاکستان کافی متاثر ہوا۔

قومی خبریں سے مزید

Original Article

Leave a Reply

Your email address will not be published. Required fields are marked *