Categories
Breaking news

وزیر اعظم عمران خان نے انصاف دہلیز پر مہیا کرنے کا وعدہ سٹیزن پورٹل سے پورا کردیا، وزیرخارجہ شاہ محمود قریشی

Advertisement

وزیرخارجہ شاہ محمود قریشی

وزیرخارجہ شاہ محمود قریشی نے کہا ہے کہ وزیر اعظم عمران خان نے انصاف دہلیز پر مہیا کرنے کا وعدہ سٹیزن پورٹل سے پورا کردیا۔

وزیر اعظم سٹیزن پورٹل کے دو سال مکمل ہونے پر اپنے ایک تہنیتی پیغام میں مبارکباد پیش کرتے ہوئے شاہ محمود قریشی نے کہا کہ ہم نے عوامی خدمت کی وہ سیاست کی ہے جس پر وزیراعظم اور ان کی ٹیم یقین رکھتی ہے۔

انہوں نے کہا کہ وزیر اعظم نے انصاف دہلیز پر مہیا کرنے کا وعدہ سٹیزن پورٹل سے پورا کیا یہ وہ تبدیلی ہے جس کا وعدہ وزیر اعظم اور تحریک انصاف نے کیا تھا۔

وزیر خارجہ کا کہنا تھا کہ خوشی ہے کہ وزارت خارجہ نے شکایات کے ازالے پر بہترین کارکردگی دکھائی، وبا کے دوران ہم نے پاکستانیوں کی معاونت کے لیے کرائسز سینٹر قائم کیا۔

انہوں نے کہا کہ واپسی کے منتظر لاکھوں تارکین کو واپس وطن لانے میں بھرپور معاونت کی گئی اور ہمارے سفیروں نے بھی دل کھول کر پاکستانی کمیونٹی سے پورا تعاون کیا۔

شاہ محمودقریشی نے مزید کہا کہ پاکستانی کمیونٹی نے سوشل میڈیا پر ویڈیو پیغامات کے ذریعے تعریف کی، وزارت خارجہ نے پھر ثابت کیا کہ اگر لگن سچی ہو تو کامیابی ضرور ملتی ہے، انہوں نے کہا کہ سیکرٹری خارجہ اور وزارت خارجہ کی ٹیم کو مبارکباد پیش کرتا ہوں۔

Leave a Reply

Your email address will not be published. Required fields are marked *