Categories
Breaking news

وزیرِ اعلیٰ پنجاب کا انتخاب: کس نے کس سے رابطہ کر لیا؟

وزیرِ اعلیٰ پنجاب کا انتخاب: کس نے کس سے رابطہ کر لیا؟

پنجاب اسمبلی میں نئے قائدِ ایوان کے انتخاب کے لیے لابنگ شروع ہو گئی۔

مونس کا ن لیگ سے رابطہ

ذرائع نے بتایا ہے کہ مسلم لیگ ق کے رہنما، وفاقی وزیر مونس الہٰی نے نئے قائدِ ایوان کے انتخاب کےلیے مسلم لیگ ن کے متعدد ارکان سے رابطہ کیا ہے۔

رانا ثناء اللّٰہ کا علیم خان سے رابطہ

پرویز الہٰی وزیرِ اعلیٰ، ترین گروپ کا آج غیر رسمی اجلاس طلب

پرویز الہٰی کو وزیرِ اعلیٰ پنجاب نامزد کرنے کے معاملے پر ترین گروپ نے مشاورت کے لیے آج غیر رسمی اجلاس بلا لیا۔

دوسری جانب مسلم لیگ ن کے سینئر رہنماؤں نے سابق سینئر وزیرِ پنجاب اور پاکستان تحریکِ انصاف (پی ٹی آئی) کے علیم خان گروپ کے سربراہ عبدالعلیم خان سے رابطہ کیا ہے۔

ذرائع نے بتایا ہے کہ عبدالعلیم خان سے رابطہ کرنے والوں میں صدر مسلم لیگ ن پنجاب رانا ثناء اللّٰہ خان بھی شامل ہیں۔

ن لیگ کی منحرف PTI ارکان کو پیشکش

ذرائع کا یہ بھی کہنا ہے کہ مسلم لیگ ن کی جانب سے پی ٹی آئی کے منحرف ارکان کو آئندہ الیکشن میں پارٹی ٹکٹ کی پیشکش کی گئی ہے۔

ترین و علیم گروپ کے اجلاس

دوسری جانب وزیرِ اعظم عمران خان کی جانب سے مسلم لیگ ق کے رہنما چوہدری پرویز الہٰی کو وزیرِ اعلیٰ پنجاب نامزد کرنے کے معاملے پر جہانگیر ترین گروپ اور علیم خان گروپ نے آج اپنے اپنے اجلاس طلب کیے ہیں۔

شجاعت کا اہم بیان

ادھر موجودہ صورتِ حال پر پاکستان مسلم لیگ ق کے صدر چوہدری شجاعت حسین کو یہ کہنے کی نوبت پیش آ گئی کہ ہمارا خاندان اور جماعت ایک ہی پیج پر ہیں۔

علیم خان گروپ آج کس معاملے پر مشاورت کریگا؟

چوہدری پرویز الہٰی کو پنجاب کا وزیرِ اعلیٰ نامزد کرنے کے معاملے پر علیم خان گروپ بھی آج مشاورت کرے گا۔

اسلام آباد سے جاری کیے گئے بیان میں صدر پاکستان مسلم لیگ ق چوہدری شجاعت حسین نے کہا ہے کہ تمام سیاسی فیصلے میری مشاورت سے ہوئے، جنہیں میری مکمل حمایت حاصل ہے۔

انہوں نے کہا کہ جو افواہیں چل رہی ہیں اور چلوائی جا رہی ہیں وہ غلط ہیں، پارٹی یا گھر میں تمام فیصلے میری مشاورت اور رضامندی کے ساتھ ہوتے ہیں۔

’’ مجھے خاندان کا سربراہ سمجھا جاتا ہے‘‘

چوہدری شجاعت حسین کا کہنا ہے کہ وضاحت پر یقین نہیں رکھتا، کہنا چاہوں گا کہ مجھے خاندان کا سربراہ سمجھا جاتا ہے۔

سربراہ ق لیگ نے کہا کہ پیسے کے لین دین کے لفظ کا استعمال نہیں ہونا چاہیے، خاص کر پڑھے لکھے لوگ پیسے کے لین دین کی بات پسند نہیں کرتے۔

انہوں نے کہا ہے کہ غلط قسم کا پروپیگنڈا کرنا یا کروانا نہایت نامناسب ہے، حقائق کو جوڑ توڑ کر پیش کرنا یا کروانا بھی نہایت نامناسب ہے۔

’’خاندان میں اختلافات کی بات میں صداقت نہیں‘‘

چوہدری شجاعت حسین کا کہنا ہے کہ خاندان میں اختلافات کی بات میں کوئی صداقت نہیں۔

خاندان اور جماعت ایک ہی پیج پر ہیں: چوہدری شجاعت

پاکستان مسلم لیگ ق کے صدر چوہدری شجاعت حسین کا کہنا ہے کہ ہمارا خاندان اور جماعت ایک ہی پیج پر ہیں۔

انہوں نے مزید کہا کہ اختلافات کا پروپیگنڈا کر کے جو سیاسی فائدہ اٹھانا چاہتے ہیں انہیں مایوسی ہو گی۔

پاکستان مسلم لیگ ق کے صدر چوہدری شجاعت حسین کا یہ بھی کہنا ہے کہ کسی ایشو پر رائے کو فیصلہ سمجھ کر پروپیگنڈا نہیں کرنا چاہیے۔

بزدار سے استعفیٰ لے لیا گیا

واضح رہے کہ گزشتہ روز وزیرِ اعظم عمران خان نے وزیرِ اعلیٰ پنجاب عثمان بزدار سے استعفیٰ لے لیا اور ان کی جگہ چوہدری پرویز الہٰی کو نامزد کرنے کا اعلان کیا ہے۔

قومی خبریں سے مزید

Original Article

Leave a Reply

Your email address will not be published.