وزیرِ اعظم عمران خان کی اہم چینی اداروں کے سربراہوں سے ملاقات

گزشتہ روز پڑوسی ملک چین کے دورے پر پہنچنے والے وزیرِ اعظم عمران خان نے چین کے اہم اداروں کے سربراہوں سے ملاقاتیں کی ہیں جن کے دوران ڈیجیٹل، صحت، تجارت، صنعتی راہداریوں کے قیام کا فیصلہ کیا گیا جبکہ سی پیک کے جاری منصوبوں پر پیش رفت کا جائزہ بھی لیا گیا۔

آج وزیرِ اعظم عمران خان نے چین کے نیشنل ڈیولپمنٹ ریفارم کمیشن کے چیئرمین اور چینی سیاسی مشاورتی کانفرنس کے وائس چیئرمین سے بھی ملاقات کی۔

ملاقات میں سی پیک کے جاری منصوبوں کی پیش رفت کا جائزہ لیا گیا، سی پیک سے متعلق مستقبل کے اقدامات کی تیاریوں پر تبادلۂ خیال بھی کیا گیا۔

وزیرِ اعظم عمران خان نے اس موقع پر سی پیک کی بروقت تکمیل اور اس کی اعلیٰ معیار کی ترقی کے عزم کا اعادہ کرتے ہوئے کہا کہ پاکستان اور چین کے درمیان اسٹریٹجک تعاون اور پارٹنر شپ لازوال ہے، کوویڈ کے باوجود مشترکہ تعاون سے سی پیک کے منصوبوں پر کام بتدریج آگے بڑھا، سی پیک پاکستان اور چین دونوں کے لیے اسٹریٹجک اہمیت کا حامل ہے، یہ منصوبہ دونوں ممالک کے عوام کو ٹھوس فوائد پہنچا رہا ہے۔

انہوں نے کہا کہ سی پیک کے ابتدائی فیز کے منصوبوں نے پاکستان کے معاشی منظر نامے کو بدل دیا ہے، سی پیک نے پائیدار اقتصادی ترقی کی مضبوط بنیاد رکھی ہے، گوادر کو علاقائی تجارت اور صنعت کا مرکز بنانےکی کوششیں جاری رکھیں گے، ایم ایل ون اور توانائی کے دیگر اہم منصوبوں کو بھی ترجیح دیں گے۔

نیشنل ڈیولپمنٹ ریفارم کمیشن چین (این آر ڈی سی) کے چیئرمین نے کہا کہ چین سی پیک کو بہت اہمیت دیتا ہے، سی پیک کی مستحکم پیش رفت اور ترقی کے لیے پرعزم ہیں، چین پاکستان کا سب سے بڑا سرمایہ کاری اور تجارتی شراکت دار بن گیا ہے، چینی ادارے سی پیک منصوبوں میں سرمایہ کاری کے لیے چینی سرکاری اور نجی اداروں کی حوصلہ افزائی جاری رکھیں گے۔

دونوں فریقین نے نئی گرین، ڈیجیٹل، صحت، تجارتی اور صنعتی راہداریوں کے قیام کا فیصلہ بھی کیا۔

دونوں فریقین کی جانب سے بورڈ آف انویسٹمنٹ اور این ڈی آر سی کے درمیان صنعتی تعاون کے فریم ورک معاہدے پر دستخط کا خیرمقدم بھی کیا گیا۔

اس سے قبل چین میں پاکستانی سرمایہ کاری بورڈ اور چینی ہم منصب کے درمیان صنعتی تعاون کے فروغ کے معاہدے پر دستخط بھی کیے گئے جس کی تقریب میں وزیرِ اعظم پاکستان عمران خان نے آن لائن شرکت کی۔

پاکستان کی جانب سے وزیرِ مملکت و چیئرمین سرمایہ کاری بورڈ محمد اظفر احسن نے جبکہ چین کی جانب سے چیئرمین این آر ڈی سی ہی لائفنگ نے معاہدے پر دستخط کیے۔

وفاقی وزیرِ اطلاعات فواد چوہدری کا اس حوالے سے کہنا ہے کہ 18 سیکٹرز میں چین کے صنعت کار پاکستان سے تعاون کریں گے۔

انہوں نے بتایا کہ وزیرِ اعظم عمران خان کے دورۂ چین کا رسمی طور پر آغاز ہو چکا ہے، آج وزیرِ اعظم عمران خان نے 18 سے زائد سیکٹرز میں ویڈیو کانفرنسز کیں۔

فواد چوہدری نے کہا کہ وزیرِ اعظم عمران خان چین کے سب سے بڑے ٹی وی کو انٹرویو بھی دیں گے، وہ آج وفد کے ہمراہ اولمپک ویلیج میں سرمائی اولمپکس کی افتتاحی تقریب میں شرکت کریں گے، 20 سے زائد سربراہانِ مملکت سرمائی اولمپکس کی اس تقریب میں شرکت کریں گے۔

قومی خبریں سے مزید

• 

  علی امین گنڈاپور کیخلاف ضابطۂ اخلاق کی خلاف ورزی کا کیس، فیصلہ محفوظ

  الیکشن کمیشن آف پاکستان نے وفاقی وزیر علی امین گنڈاپور کے خلاف ضابطۂ اخلاق کی خلاف ورزی کے کیس کا فیصلہ محفوظ کر لیا۔

• 

  مولانا فضل الرحمٰن کے بھائی کو الیکشن کمیشن کا نوٹس

  ڈیرہ اسماعیل خان میں بلدیاتی انتخابات میں ضابطہ اخلاق کی خلاف ورزی پر الیکشن کمیشن نےسرکاری افسر ضیاء الرحمٰن کونوٹس جاری کر دیا، ضیاء الرحمٰن، جے یو آئی ایف کے امیر مولانا فضل الرحمٰن کےبھائی بھی ہیں۔

• 

  کراچی میں گرد آلود ہوائیں تھم گئیں

  چیف میٹرولوجسٹ سردار سرفراز کا کہنا ہے کہ ملک کے سب سے بڑے شہر کراچی میں چلنے والی گرد و غبار والی ہواؤں کا سلسلہ تھم گیا ہے۔

• 

  سابق چیف جسٹس گلزار احمد کی فول پروف سیکیورٹی برقرار رکھنے کی منظوری

  وفاقی وزارتِ داخلہ نے سابق چیف جسٹس گلزار احمد کی فول پروف سیکیورٹی برقرار رکھنے کی منظوری دے دی۔

• 

  ثاقب نثارکی آڈیوکی تحقیقات پرکمیشن کی درخواست پرفیصلہ محفوظ

  اسلام آباد ہائیکورٹ میں سابق چیف جسٹس پاکستان ثاقب نثار کی مبینہ آڈیو لیک کی تحقیقات میں عدالت نے درخواست گزار سے سوال کیا کہ پہلے آپ یہ بتائیں وہ اصل آڈیو کدھر ہے؟ اٹارنی جنرل نے کہا اصل آڈیو موجود نہیں، یہی بنیاد درخواست کو مسترد کر دینے کیلئے کافی ہے، عدالت نے فیصلہ محفوظ کرلیا۔

• 

  حکومت نے نواز شریف کو صحت کارڈ جاری کر دیا

  حکومت کی جانب سے سابق وزیرِ اعظم اور مسلم لیگ نون کے قائد میاں محمد نواز شریف کو صحت کارڈ جاری کر دیا گیا۔

• 

  نوشکی، شہید کیپٹن ڈاکٹر بلال کی نماز جنازہ ادا

  پنجگور اور نوشکی میں فورسز پر حملے کے نتیجے میں شہید ہونے والے کیپٹن ڈاکٹر بلال خلیل کی نمازِ جنازہ فیصل آباد میں ادا کردی گئی ہے۔

• 

  میاں چنوں: حساس مقامات پر حملے کا منصوبہ ناکام، 2 مبینہ دہشتگرد گرفتار

  محکمۂ انسدادِ دہشت گردی (سی ٹی ڈی) نے پنجاب کے ضلع خانیوال کی تحصیل میاں چنوں میں بائی پاس کے قریب سے 2 مبینہ دہشت گردوں کو گرفتار کر لیا۔

• 

  دہشتگردوں کے پاس نیٹو فورسز کا جدید اسلحہ ہے: شیخ رشید

  وفاقی وزیرِ داخلہ شیخ رشید احمد کا کہنا ہے کہ دہشت گردوں کے پاس جدید اسلحہ ہے جو نیٹو فورسز چھوڑ کر گئیں۔

• 

  بھارتی آرمی چیف کا دعویٰ بے بنیاد ہے: ڈی جی ISPR

  پاک فوج کے ترجمان میجر جنرل بابر افتخار کا کہنا ہے کہ بھارتی آرمی چیف کا طاقت کی بنیاد پر جنگ بندی کا دعویٰ بے بنیاد ہے۔

• 

  پاکستان میں کورونا وائرس کے وار، مزید 48 اموات

  پاکستان میں کورونا وائرس کی پانچویں لہر کے وار مسلسل جاری ہیں، ملک کورونا مریضوں کے حوالے سے مرتب کی گئی فہرست میں 43 ویں نمبر پر ہے، جہاں گزشتہ 24 گھنٹوں کے دوران اس کے کیسز کی شرح 9 اعشاریہ 94 فیصد ریکارڈ کی گئی، جبکہ مزید 48 کورونا مریض زندگی کی بازی ہار گئے۔

• 

  چین: وزیرِ اعظم کا سرمایہ کاروں کی ویڈیو کانفرنس سے خطاب

  وفاقی وزیرِ اطلاعات و نشریات فوادچوہدری کا کہنا ہے کہ چین میں وزیرِ اعظم عمران خان کے دن کا آغاز آج پرائیویٹ سرمایہ کاروں سے ویڈیو کانفرنس کے ذریعے خطاب سے ہوا۔

• 

  ملک میں ہر سال 2 لاکھ افراد کینسر کا شکار ہونے لگے

  ملک بھر میں ہر سال 2 لاکھ کے قریب افراد مختلف اقسام کے کینسر کا شکار ہونے لگے۔

• 

  لاہور، مختلف علاقوں میں دھند، سردی کی شدت میں اضافہ

  لاہور کے مختلف علاقوں میں دھند کے باعث موٹروے کو مختلف مقامات پر بند کردیا گیا۔

• 

  پی ایس پی اور سندھ حکومت کے درمیان مذاکرات میں ڈیڈلاک برقرار

  مصطفیٰ کمال نے کہا ہے کہ لوگ مٹھائیاں تقسیم کرکے ہمارے حق کی بات کرنے پر اعتراض کر رہے ہیں، پی ایس پی اپنےآئینی حقوق لے کر ہی اٹھے گی۔

• 

  سابق چیف جسٹس گلزار احمد کو سیکورٹی کے لیے وزارت داخلہ کو خط

  رجسٹرار کی جانب سے لکھے گئے خط میں کہا گیا ہے کہ جسٹس گلزار احمد نے دہشتگردی، ماورائے عدالت قتل سمیت کئی ہائی پروفائل مقدمات کے فیصلے کیے، انہیں رینجرز فراہم کی جائے۔

Original Article