Categories
Breaking news

وزیرِ اعظم شہباز شریف کا صدرِ مملکت عارف علوی کو فون

وزیراعظم شہباز شریف کا عید پر اعلیٰ شخصیات سے رابطہ

وزیرِ اعظم شہباز شریف نے صدرِ مملکت عارف علوی کو ٹیلی فون کیا ہے۔

وزیرِ اعظم شہباز شریف نے صدرِ مملکت عارف علوی کو ٹیلی فون پر عید الفطر کی مبارک باد دی اور ان کی خیریت دریافت کی۔

وزیرِ اعظم کا آرمی چیف اور سروسز چیفس کو فون

وزیرِ اعظم شہباز شریف نے سروسز چیفس سے بھی ٹیلی فون پر گفتگو کی ہے۔

وزیرِ اعظم نے چیئرمن جوائنٹ چیفس آف اسٹاف کمیٹی جنرل ندیم رضا، آرمی چیف جنرل قمر جاوید باجوہ، نیول چیف ایڈمرل امجد نیازی اور ایئر چیف ظہیر احمد بابر سندھو کو ٹیلی فون پر عید کی مبارک باد دی ہے۔

وزیرِ اعظم آزاد کشمیر سے گفتگو

شہباز شریف کی دنیا بھر کے مسلمانوں کو عید کی مبارکباد اور پیغام

پاکستان مسلم لیگ ن کے صدر اور قائد حزب اختلاف میاں محمد شہباز شریف کا کہنا ہے کہ اس مرتبہ حج اور عید قربان وبا کے ماحول میں آئی ہے، عوام مشکل صورتحال سے دوچار ہیں

وزیرِ اعظم شہباز شریف نے آزاد کشمیر کے وزیرِ اعظم سردار تنویر الیاس کو بھی ٹیلی فون کیا اور عید کی مبارک باد دی۔

انہوں نے وزیرِ اعظم آزاد کشمیر سے گفتگو کے دوران مقبوضہ کشمیر کے عوام پر نمازِ عید کے اجتماعات پر پابندیوں کی شدید مذمت بھی کی۔

وزیرِ اعظم شہباز شریف نے کشمیریوں کو حقِ استصوابِ رائے ملنے تک سیاسی، اخلاقی اور سفارتی حمایت جاری رکھنے کے عزم کا اظہار بھی کیا۔

وزیرِ اعظم کی اتحادی قیادت کو عید کی مبارکباد

وزیرِ اعظم شہباز شریف نے تمام اتحادی جماعتوں کے قائدین کو ٹیلی فون کر کے عید کی مبارک باد دی ہے۔

وزیرِ اعظم شہباز شریف نے سابق صدر آصف علی زرداری اور وزیرِ خارجہ بلاول بھٹو زرداری کو فون پر عید کی مبارک باد دی۔

سابق صدر آصف علی زرداری اور بلاول بھٹو زرداری نے وزیرِ اعظم شہباز شریف کو فون کرنے پر شکریہ ادا کیا۔

وزیراعظم شہباز شریف آج کس سے ملنے کے منتظر ہیں؟

وزیر اعظم شہباز شریف کا کہنا ہے کہ میں آج متحدہ عرب امارات (یو اے ای) کی اعلیٰ سطحی اقتصادی ٹیم سے ملاقات کا منتظر ہوں

وزیرِ اعظم شہباز شریف نے پی ڈی ایم کے سربراہ مولانا فضل الرحمٰن سے بھی فون پر گفتگو کی۔

وزیرِ اعظم شہباز شریف نے مولانا فضل الرحمٰن کو عید کی مبارک دی اور ملکی صورتِ حال پر تبادلۂ خیال کیا۔

اس موقع پر مولانا فضل الرحمٰن نے سعودی عرب اور یو اے ای کے کامیاب دوروں پر وزیرِ اعظم شہباز شریف کو مبارک باد پیش کی۔

وزیرِ اعظم کا وزرائے اعلیٰ کو فون

وزیرِ اعظم شہباز شریف نے ٹیلی فون پر سندھ، خیبر پختون خوا اور گلگت بلتستان کے وزرائے اعلیٰ کو بھی عید کی مبارک باد دی ہے۔

وزیرِ اعظم نے قائم مقام گورنر بلوچستان کو بھی عید کی مبار ک باد دی۔

وزیرِ اعلیٰ بلوچستان سے بات نہ ہوسکی

وزیرِ اعلیٰ بلوچستان عبدالقدوس بزنجو کے بیرونِ ملک دورے پر ہونے کی وجہ سے وزیرِ اعظم شہباز شریف کی ان سے بات نہیں ہو سکی۔

قومی خبریں سے مزید

Original Article

Leave a Reply

Your email address will not be published.