Categories
Breaking news

وزیرِ اعظم اور وزیرِ داخلہ کی لکی مروت حملے کی شدید مذمت

فائل فوٹو
فائل فوٹو

وزیرِ اعظم شہباز شریف اور وزیرِ داخلہ رانا ثناء اللّٰہ نے لکی مروت میں دہشت گرد حملے کی شدید مذمت کی اور 6 پولیس شہداء کو خراج عقیدت پیش کیا۔

شہباز شریف کا کہنا ہے کہ مادر وطن پر جان قربان کرنے والے بیٹوں کو قوم سلام پیش کرتی ہے، دہشت گرد پاکستان کے دشمن ہیں، پورا ملک ان کے خلاف سیسہ پلائی دیوار ثابت ہو گا۔

وزیرِ اعظم نے کہا کہ پولیس نے دہشت گردی کے خلاف ہر اول دستے کا قابل فخر کردار ادا کیا ہے، خیبرپختون خوا حکومت شہداء کو اعزازات اور شہداء پیکج دے، شہداء کے اہل خانہ سے ہمدردی کا اظہار کرتے ہیں۔

انہوں نے کہا کہ اللّٰہ تعالیٰ شہداء کے درجات بلند فرمائے اور لواحقین کو صبر جمیل دے۔

وزیرِ داخلہ نے چیف سیکریٹری اور آئی جی خیبرپختون خوا سے واقعے کی رپورٹ طلب کرلی

دوسری جانب وزیرِ داخلہ رانا ثناء اللّٰہ نے چیف سیکریٹری اور آئی جی خیبرپختون خوا سے واقعے کی رپورٹ طلب کر لی ہے۔

لکی مروت: پولیس موبائل پر دہشتگردوں کا حملہ، 6 اہلکار شہید

خیبر پختون خوا کے ضلع لکی مروت میں پولیس موبائل پر دہشت گردوں کے حملے میں اے ایس آئی سمیت 6 اہلکار شہید ہو گئے۔

وزیرِ داخلہ نے پولیس اہلکاروں کی شہادت پر گہرے دکھ اور افسوس کا اظہار کیا اور واقعے میں شہید پولیس اہلکاروں کو خراج عقیدت پیش کیا۔

وزیرِ داخلہ رانا ثناء اللّٰہ نے شہداء کے اہل خانہ سے تعزیت اور ہمدردی کا اظہار کرتے ہوئے کہا کہ اللّٰہ تعالیٰ شہداء کے درجات بلند فرمائے اور لواحقین کو صبر جمیل دے۔

لکی مروت: پولیس موبائل پر دہشتگردوں کا حملہ، 6 اہلکار شہید

واضح رہے کہ خیبر پختون خوا کے ضلع لکی مروت میں پولیس موبائل پر دہشت گردوں کے حملے میں اے ایس آئی سمیت 6 اہلکار شہید ہو گئے ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *